ଭଞ୍ଜନଗର : ଆମ୍ବୁଲେନ୍ସ ଧକ୍କାରେ ସ୍ବାମୀ ମୃତ ଓ ସ୍ତ୍ରୀ ଗୁରୁତର । ଏଭଳି ଘଟଣା ଘଟିଛି ଗଞ୍ଜାମ ଜିଲ୍ଲା ସୋରଡା ଥାନା ଅନ୍ତର୍ଗତ ଖାରୀଗୁଡା ଗ୍ରାମ ନିକଟରେ । ବାଇକକୁ ଆମ୍ବୁଲାନ୍ସ ଧକ୍କା ଦେବାରୁ ଘଟଣା ସ୍ଥଳରେ ବାଇକ ଚାଳକ ମୃତ । ତେବେ ମୃତ ବ୍ୟକ୍ତି ଜଣଙ୍କ ଜୟ ମହାକୁଣ୍ଡ ବୋଲି ଜଣାପଡିଛି ।
ଅନ୍ୟପଟେ ବାଇକ ଚାଳକଙ୍କ ପଛରେ ବସିଥିବା ସ୍ତ୍ରୀ ଗୁରୁତର ହୋଇଥିବା ବେଳେ ତାଙ୍କୁ ପ୍ରଥମେ ସୋରଡା ମେଡିକାଲରେ ଚିକିତ୍ସା କରିବା ପରେ ବ୍ରହ୍ମପୁର ମେଡିକାଲକୁ ପଠାଯାଇଛି । ସୂଚନା ଅନୁସାରେ, ଆମ୍ବୁଲାନ୍ସଟି ବରଗଡରୁ ରୋଗୀ ଧରି ସୋରଡା ମେଡିକାଲ କୁ ଆସୁଥିବା ବେଳେ ଖାରିଗୁଡା ଗ୍ରାମ ନିକଟରେ ବାଇକରେ ସୋରଡା ଯାଉଥିବା ଏକ ବାଇକକୁ ପଛପଟୁ ଧକ୍କା ଦେଇଥିଲା ।