ଭଞ୍ଜନଗର: କୋରୋନା ମହାମାରୀରେ ସାରାଦେଶ ଲକଡାଉନ ଥିବାବେଳେ କଳାବଜାରୀ ସକ୍ରିୟ ହୋଇ ଉଠିଛନ୍ତି । ପୋଲିସର ଚଢ଼ାଉ ସତ୍ତ୍ବେ ଜାରି ରହିଛି କଳା ସାମ୍ରାଜ୍ୟ । ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅଞ୍ଚଳରେ ପୋଲିସର ପୁଣି ଚଢ଼ାଉ । ବିପୁଳ ଧୂଆଁ ପତ୍ର ସାଙ୍ଗକୁ ମାଛ ମାର୍କା ଖଇନି ତିଆରି ସାମଗ୍ରୀ ଜବତ ।
ଯାହାର ଆନୁମାନିକ ମୂଲ୍ୟ ପାଞ୍ଚ ଲକ୍ଷ ଟଙ୍କା ହେବ ସୂଚନା । କିଛି ଦିନତଳେ ଏହି ଥାନା ଅନ୍ତର୍ଗତ ବାଲିସାହି, ବାଘୁଆପଲ୍ଲୀ ଓ ଗାଙ୍ଗପୁର ଗ୍ରାମରେ ଚଢ଼ାଉ କରି ଲକ୍ଷାଧିକ ଟଙ୍କାର ଖଇନି ସାମଗ୍ରୀ ଜବତ ହୋଇଥିଲା । ତାକୁ ଆଧାର କରି ଆଜି ପୁଣି ଗାଙ୍ଗପୁର ପୋଲିସ ଅଞ୍ଚଳରେ ଚଢ଼ାଉ କରି 350 ବସ୍ତା ଧୂଆଁ ପତ୍ର ପ୍ୟାକେଟ 10ହଜାର ମାଛ ମାର୍କା ଖାଲି ଖଇନି ଜରି ପ୍ୟାକେଟ ଆଉ ମଧ୍ୟ ଖଇନି ତିଆରେ ବ୍ୟବହୃତ କେମିକାଲ ଠାରୁ ଆରମ୍ଭ କରି ସମସ୍ତ ସାମାନକୁ ପୋଲିସ ଜବତ କରିବା ସହିତ 3 ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ