ବ୍ରହ୍ମପୁର: ବ୍ରହ୍ମପୁରରେ ଚିକିଟି ଅଞ୍ଚଳରେ ପୋଲିସ ଓ ଅବକାରୀ ବିଭାଗର ମିଳିତ ଚଢାଉ । ୧୨୦ ଲିଟର ରନ୍ଧା ଦେଶୀ ଓ ମହୁଲି ମଦ , ୨୨ ଲିଟର ବିଦେଶୀ ମଦ , ୨୨ ଲିଟର ବିୟର ଜବତ । ଏହି ଘଟଣାରେ ସଂପୃକ୍ତ ରହିଥିବା ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ ।
ଚିକିଟି ଅଞ୍ଚଳର ସୋରଳ , ଧାନଘର , ଗୋଳନ୍ଥରା ଆଦି ଅଞ୍ଚଳରେ ଚଢାଉ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ସୋରଳ ଗ୍ରାମର ଦେବେନ୍ଦ୍ର ବେହେରା , ଡମ୍ବୁରୁ ବେହେରା ଏବଂ ଧାନଘର ଅଞ୍ଚଳର ସୁଶାନ୍ତ କୁମାର ସାହୁ , ମାଳକୁଟା ଗ୍ରାମର ରାମଚନ୍ଦ୍ର ମଲ୍ଲିକ ଏବଂ ଅରକ୍ଷିତ ମଲ୍ଲିକ ବୋଲି ଅବକାରୀ ବିଭାଗର ଆଇ.ଆଇ.ସି ବାଳକୃଷ୍ଣ ପରିଡା ସୂଚନା ଦେଇଛନ୍ତି ।