ଭଞ୍ଜନଗର: ଶାଗ ତୋଳିବା ହେଲା କାଳ । ଶାଗ ତୋଳୁ ତୋଳୁ ଚାଲିଗଲା ଜୀବନ । ବିଦ୍ୟୁତ ଆଁରେ ଫସିଗଲେ ସ୍ବାମୀ ସ୍ତ୍ରୀ । ସ୍ତ୍ରୀକୁ ବିଦ୍ୟୁତ ଆଘାତରୁ ବଞ୍ଚାଇବାକୁଯାଇ ସ୍ବାମୀ ଗୁରୁତର । ହେଲେ ଶେଷରେ ସ୍ତ୍ରୀର ଚାଲିଗଲା ଜୀବନ । ଏଭଳି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ବୁଗୁଡା ସହରର ଶାନ୍ତି ନଗରରେ । ମୃତ ମହିଳା ଜଣଙ୍କ ହେଉଛନ୍ତି ଚନ୍ଦ୍ରମା ନାୟକ ।
ବିଦ୍ୟୁତ ସଂସ୍ପର୍ଶରେ ଆସି ସ୍ତ୍ରୀ ମୃତ, ସ୍ବାମୀ ଗୁରୁତର
ମିଳିଥିବା ସୂଚନା ଅନୁଯାୟୀ, ଶାନ୍ତି ନଗରରେ ରହୁଥିବା ଯୋଗୀ ନାୟକଙ୍କ ଘର ନିକଟ ଦେଇ ଏକ ବିଦ୍ୟୁତ ତାର ଯାଇଛି । ଏହି ତାର ଘର ପାଖରେ ଥିବା ଏକ ସଜନା ଗଛକୁ ସ୍ପର୍ଶ କରୁଥିଲା । ତେବେ ବର୍ଷା ଲାଗିରହିଥିବା ହେତୁ ସଜନା ଗଛରେ ବିଦ୍ୟୁତ ପ୍ରବାହିତ ହୋଇଥିଲା । ଏହା କିନ୍ତୁ ଜାଣିପାରିନଥିଲେ ଯୋଗୀ ନାୟକ ସ୍ତ୍ରୀ ଚନ୍ଦ୍ରମା । ଫଳରେ ସଜନା ଶାଗ ତୋଳିବାକୁ ଯାଇ ବିଦ୍ୟୁତ ଆଁରେ ଫସି ଯାଇଥିଲେ ଚନ୍ଦ୍ରମା ।