ଗଞ୍ଜାମ: ନିଖୋଜ ଯୁବକଙ୍କ ମୃତଦେହ ଉଦ୍ଧାର । ବୁଦା ମୂଳରୁ ମୃତଦେହ ଉଦ୍ଧାର କରିଛି ପୋଲିସ । ଭଞ୍ଜନଗର ଥାନା ଅନ୍ତର୍ଗତ ଶଙ୍ଖ ସାହିରେ ଏକ ବୁଦାମୂଳରୁ ନିଖୋଜ କାର୍ତ୍ତିକ ସାହୁଙ୍କ ମୃତ ଦେହ ଉଦ୍ଧାର । ତାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ ।
ସୂଚନା ଅନୁସାରେ ରବିବାର ରାତିରୁ ଯୁବକ ଜଣକ ଘରୁ ନିଖୋଜ ଥିଲେ । ପରିବାର ବହୁ ଖୋଜାଖୋଜି ପରେ ନିକଟସ୍ତ ଏକ ଲଟାବୁଦା ଭିତରେ ତାଙ୍କର ମୃତ ଦେହ ପଡିଥିବା ଦେଖିବାକୁ ପାଇଥିଲେ । କାର୍ତ୍ତିକ ପାଟିରୁ ରକ୍ତ ବାହାରୁ ଥିବାରୁ କେହି ହତ୍ୟା କରିଥିବା ସନ୍ଦେହ କରୁଛନ୍ତି ପରିବାର ଲୋକେ । ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ରିପୋର୍ଟ ଆସିବା ପରେ ଏହି ଘଟଣାର ପ୍ରକୃତ କାରଣ ଜଣାପଡିବ ବୋଲି ପୋଲିସ କହିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ