ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ ବେଲଗୁଣ୍ଠା ବିଜ୍ଞାପିତ ଅଞ୍ଚଳ ପରିଷଦର ବଜ୍ୟବସ୍ତୁ ପରିଚାଳନା ନିମନ୍ତେ ରାଜନ ପଲ୍ଲୀ ଠାରେ କୋଠା ନିର୍ମାଣ ଚାଲିଥିବାବେଳେ ଜଣେ ଶ୍ରମିକଙ୍କର ମୃତ୍ୟୁ ଘଟିଛି । ମୃତ ଶ୍ରମିକ ଜଣକ ହେଲେ ରଙ୍ଗଣୀ ପାଟଣା ଗ୍ରାମର ବୁଲୁ ଜେନା । ଖବର ପାଇ ଭଞ୍ଜନଗର ପୋଲିସ ପହଁଚି ମଡତ ଦେହକୁ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରିଛି ।
ଟିଣ ପଡ଼ି ଶ୍ରମିକ ମୃତ୍ୟୁ, ପୋଲିସର ତଦନ୍ତ ଜାରି
ସୂଚନା ପ୍ରକାରେ ବେଲଗୁଣ୍ଠା ବିଜ୍ଞାପିତ ଅଂଚଳ ପରିଷଦର ବଜ୍ୟବସ୍ତୁ ପରିଚାଳନା ନିମନ୍ତେ ରାଜନ ପଲ୍ଲୀ ନିକଟରେ କାମ ଚାଲିଥିଲା । ସେଥିପାଇଁ ଏକ ପିକଅପ ଭ୍ୟାନରେ ଟିଣ ବୋଝେଇ ହୋଇ ଆସିଥିଲା । ସେଗୁଡିକୁ ଓଲ୍ଲାଇବାବେଳେ ସବୁତକ ଟିଣ ଶ୍ରମିକ ଉପରେ ପଡିଯାଇଥିଲା ଫଳରେ ଘଟଣା ସ୍ଥଳରେ ଶ୍ରମିକ ଜଣକ ମୃତ୍ୟୁ ବରଣ କରିଥିଲେ ।