ବ୍ରହ୍ମପୁର: ଗଞ୍ଜାମ ଜିଲ୍ଲା ବ୍ରହ୍ମପୁର ସହରରେ ଏକ ଅନଲାଇନ ଆଇପିଏଲ ବେଟିଂ ଗ୍ୟାଙ୍ଗର ପର୍ଦ୍ଦାଫାସ କରିବାରେ ସଫଳ ହୋଇଛି ପୋଲିସ । ବେଟିଂ ଗ୍ୟାଙ୍ଗର ଦୁଇ ଜଣ ସଦସ୍ୟଙ୍କୁ ଗିରଫ କରିଛି ବ୍ରହ୍ମପୁର ପୋଲିସ । ସେମାନଙ୍କ ଠାରୁ 33ଲକ୍ଷ 61ହଜାର ନଗଦ ଟଙ୍କା ଜବତ କରା।ଯାଇଛି । ଗିିରଫ ହୋଇତିବା ଦୁଇ ଅଭିଯୁକ୍ତ ହେଉଛନ୍ତି ବ୍ରହ୍ମପୁର ଗଣେଶ ନଗରର ଆର ଲାଲୀ ଆଚାରି (50) ଏବଂ ଗାନ୍ଧୀ ନଗରର କେ ପ୍ରଶାନ୍ତ କୁମାର ସୁବୁଦ୍ଧି (43) । ବ୍ରହ୍ମପୁର ଏସପି ପିନାକ ମିଶ୍ରଙ୍କ ନେତୃତ୍ବରେ ଏକ ଟିମ ଗଠନ କରାଯାଇ ପୋଲିସ ବିଭିନ୍ନ ସ୍ଥାନରେ ଚଢାଉ କରିଥିଲା।
ଆଇପିଏଲ 2020କୁ ନେଇ ବହ୍ମପୁର ସହରରେ ବିଭିନ୍ନ ସ୍ଥାନର ଚାଲିଛି ସଟ୍ଟାବାଜି। ପ୍ରତ୍ୟେକ ମ୍ୟାଚଠାରୁ ଆରମ୍ଭ କରି ଟସ ପଡ଼ିବା ପର୍ଯ୍ୟନ୍ତ ସବୁଥିରେ ଟଙ୍କା ଲଗାଉଛନ୍ତି ସଟ୍ଟା ଖେଳାଳି। ଏଭଳି ସଟ୍ଟାବାଜି କରି ଲକ୍ଷ ଲକ୍ଷ ଟଙ୍କାର ବେଟିଂ କରାଯାଉଛି। ଦୀର୍ଘ ବର୍ଷ ଧରି ଏଭଳି ଆଇପିଏଲ ସମୟରେ ଅନଲାଇନରେ ଏଭଳି ବେଟିଂ କରାବାର ଜାରି ରଖିଥିଲା ଏହି ଗ୍ୟାଙ୍ଗ। ଏହି ବେଟିଂ ଗ୍ୟାଙ୍ଗକୁ ଆଜି(ଶୁକ୍ରବାର) ବ୍ରହ୍ମପର ସହରର ଗୋଷାଣିନୂଆଗାଁ ଥାନା ପୋଲିସ ଧରିବାରେ ସଫଳ ହୋଇଛି। ଅଭିଯୁକ୍ତଙ୍କ ନିକଟରୁ 33ଲକ୍ଷ 61ହଜାର ଟଙ୍କା ସହ 3ଟି ମୋବାଇଲ ଓ 3ଟି ଏଟିଏମ ଜବତ କରିଛି ପୋଲିସ।
ଅନଲାଇନରେ ଏହି ଅଭିଯୁକ୍ତମାନେ ଦେଶ ବାହାରେ ମଧ୍ୟ ସଟ୍ଟା ଲଗାଉଥିବା ନେଇ ପୋଲିସ ସୂଚନା ଦେଇଛି। ଆଇପିଏଲ ଛଡ଼ା ଅନ୍ୟାନ ଖେଳର ମଧ୍ୟ ଏମାନେ ବେଟିଂ କରୁଥିଲେ। ଏଭଳି ଗ୍ୟାଙ୍ଗକୁ ଧରିବାକୁ ପୋଲିସ ଦୀର୍ଘଦିନ ଧର ଯୋଜନା କରି ଆସୁଥିଲା।