ବ୍ରହ୍ମପୁର: ଫନି ପରେ ସ୍ଥିତି ସୁଧାରିବାରେ ଲାଗିଛି ବନ ବିଭାଗ । ବାତ୍ୟାର ପ୍ରହାରରେ ହରାଇ ବସିଥିବା ପ୍ରାକୃତିକ ସୌନ୍ଦର୍ଯ୍ୟକୁ ପୁଣି ଥରେ ଗଢି ତୋଳିବାକୁ ଆରମ୍ଭ କରାଯାଇଛି ବୃକ୍ଷ ରୋପଣ ଅଭିଯାନ । ରାଜ୍ୟର ବିଭିନ୍ନ ସ୍ଥାନରେ ବନ ବିଭାଗ ପକ୍ଷରୁ ବୃକ୍ଷରୋପଣ କରାଯାଇ ପରିବେଶ ସନ୍ତୁଳନର ବାର୍ତ୍ତା ଦିଆଯାଉଥିବାବେଳେ ବ୍ରହ୍ମପୁରରେ ଭିନ୍ନ ଏକ ପ୍ରୟାସ ଦେଖିବାକୁ ମିଳିଥିଲା ।
ଗୋଟିଏ ପିଲାକୁ ଗୋଟିଏ ବୃକ୍ଷ ଭାବେ ସବୁଠି ଚାରା ରୋପଣ କରାଯାଉଥିବାବେଳେ ବ୍ରହ୍ମପୁର ବନ ବିଭାଗ ଆପଣାଇଛି ଭିନ୍ନ ପ୍ରୟାସ । ପ୍ରତ୍ୟେକ ବ୍ୟକ୍ତିଙ୍କୁ ସେମାନଙ୍କ ପରିଚୟ ପତ୍ର ଆଧାରରେ ମାତ୍ର ଏକ ଟଙ୍କା ମୂଲ୍ୟରେ ତିନୋଟି ଭିନ୍ନ ପ୍ରକାରର ଚାରା ପ୍ରଦାନ କରାଯାଇଛି । ଔଷଧୀୟ ବୃକ୍ଷ ଠାରୁ ଆରମ୍ଭ କରି ବିଭିନ୍ନ ଫୁଲଫଳ ଗଛର ପ୍ରାୟ 20ରୁ ଊର୍ଦ୍ଧ୍ବ ପ୍ରକାରର ଉପାଦେୟତା ବୃକ୍ଷର ଚାରାକୁ ସୁଲଭ ମୂଲ୍ୟରେ ରେଶମବାସୀଙ୍କୁ ବଣ୍ଟାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର