ବ୍ରହ୍ମପୁର: ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ସାଧାରଣ ଜନତାଙ୍କ ବିଭିନ୍ନ ଅଭିଯୋଗ ଗ୍ରହଣ କରିବା ପାଇଁ ଏକ ନୂତନ ପଦକ୍ଷେପ ନିଆଯାଇଛି । ଜିଲ୍ଲାର ଯେଉଁ ବ୍ୟକ୍ତି ବିଶେଷ ନିଜର ସମସ୍ୟା ତଥା ଅଭିଯୋଗ ପାଇଁ ଅଭିଯୋଗ ଶୁଣାଣି କେନ୍ଦ୍ର ନିକଟକୁ ଆସି ପାରୁନାହାଁନ୍ତି ସେମାନେ ନିଜ ନିଜର ଯେ କୌଣସି ଅସୁବିଧା ସମ୍ପର୍କରେ ଜିଲ୍ଲା ପ୍ରଶାସନକୁ ଜଣାଇପାରିବେ ।
ଭିଡିଓ ସୌଜନ୍ୟ- ସମ୍ବାଦଦାତା, ବ୍ରହ୍ମପୁର
ତେବେ ସେନେଇ ଜିଲ୍ଲା ପ୍ରଶାସନ ପକ୍ଷରୁ ସ୍ବତନ୍ତ୍ର ମୋବାଇଲ ନମ୍ବର( ୯୪୩୭୫୬୩୮୦୦) କୁ ଫୋନ କରି କିମ୍ବା ମେସେଜ୍ ସହିତ ହ୍ବାର୍ଟସ ଆପ ମାଧ୍ୟମରେ ସେମାନେ ଦରଖାସ୍ତର ଫଟୋ ସହିତ ସମସ୍ୟାର ଫଟୋ ଓ ତଥ୍ୟକୁ ପଠାଇପାରିବେ । ଏପରିକି ସରକାରୀ କର୍ମଚାରୀଙ୍କ ସହଯୋଗ ପାଇଁ ଏଥିରେ ଅବଗତ କରାଇ ପାରିବେ ।