ବ୍ରହ୍ମପୁର: ଗଞ୍ଜାମରେ କୋରୋନାକୁ ନିୟନ୍ତ୍ରଣ କରାଯାଇ ପାରିଛି। ଅନଲକ ପ୍ରକ୍ରିୟାରେ ଜୀବିକାକୁ ସ୍ବାଭାବିକ କରାଯାଇଛି । ହେଲେ ସଂକ୍ରମଣ ସମ୍ପୂର୍ଣ୍ଣ ମୂଳପୋଛ ହୋଇନାହିଁ । ଏହି ଭାଇରସ ବିରୋଧରେ ଏଯାବତ ନା କୌଣସି ଔଷଧ ଆସିଛି ନା ଭ୍ୟାକ୍ସିନ । ତେଣୁ ଅଯଥା ଯାତାୟାତକୁ ଏଡାଇବାକୁ ପଡିବ । ଏଥିସହ ଜିଲ୍ଲାରେ ଜିରୋ ଆକ୍ଟିଭ କେସ ବା ସକ୍ରିୟ ମାମଲା କରିବାକୁ ଜିଲ୍ଲାବାସୀଙ୍କ ସହଯୋଗ ଲୋଡିଛନ୍ତି ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ।
ଗଞ୍ଜାମରେ କୋରୋନା ସକ୍ରିୟ ମାମଲାକୁ ଜିରୋ କରିବାକୁ ଜିଲ୍ଲାପାଳଙ୍କ ବାର୍ତ୍ତା
ଅକ୍ଟୋବର 1ରୁ ଅନଲକ -5 ଆରମ୍ଭ ହୋଇଛି । ପୂର୍ବ ଅପେକ୍ଷା ଏଥର ଅନେକ କଟକଣା କୋହଳ ହୋଇଛି । ଏପରି ସ୍ଥିତିରେ ଗଞ୍ଜାମ ଜିଲ୍ଲାପାଳ ଏକ ଭିଡିଓ ଜାରି କରି ଜିଲ୍ଲାରେ ଜିରୋ ସଂକ୍ରମଣ କରିବାକୁ ଜିଲ୍ଲାବାସୀଙ୍କ ଆହ୍ବାନ କରିଛନ୍ତି । ନିଜ ସ୍ବାସ୍ଥ୍ୟ ନିଜ ହାତରେ ବୋଲି କୁଲାଙ୍ଗେ କହିଛନ୍ତି ।