ଭଞ୍ଜନଗର: ଗଞ୍ଜେଇ ଗଛ ପୋଡି ନଷ୍ଟ କଲା ଅବକାରୀ ବିଭାଗ । ଗଞ୍ଜାମ ଜିଲ୍ଲା ବଡ଼ଗଡ଼ ଥାନା ଖଜୁରୀପଦା ଗ୍ରାମ ନିକଟ ଜଙ୍ଗଲରେ ଶୁକ୍ରବାର ପୋଲିସ ଓ ଅବକାରୀ ବିଭାଗର ମିଳିତ ଚଢ଼ାଉ କରି ଗଞ୍ଜେଇ ଗଛ ନଷ୍ଟ କରିଛି ।
ସୂଚନା ଅନୁଯାୟୀ, ଖଜୁରୀପଦା ଗ୍ରାମ ନିକଟ ଜଙ୍ଗଲରେ 40 ଏକରରୁ ଉର୍ଦ୍ଧ୍ବ ଜମିରେ ଗଞ୍ଜେଇ ଚାଷ ହେଉଥିବା ନେଇ ପୋଲିସ ଏକ ବିଶେଷ ସୁତ୍ରରୁ ଖବର ପାଇଥିଲେ । ଏହାପରେ ପୋଲିସ ଏବଂ ଅବକାରୀ ବିଭାଗ ଶୁକ୍ରବାର ଉକ୍ତ ଜଙ୍ଗଲରେ ମିଳିତ ଭାବେ ଚଢାଉ କରି କିଛି ଗଞ୍ଜେଇ ଗଛ ପୋଡି ନଷ୍ଟ କରିଥିଲେ ।