ଭଞ୍ଜନଗର: ଚଳିତ ଆଇପିଏଲର ଫାଇନାଲ ମ୍ୟାଚରେ ଗଞ୍ଜାମ ଜିଲ୍ଲା ଆସିକା ଅଞ୍ଚଳରେ ଚାଲିଥିଲା ବଡଧରଣ ବେଟିଙ୍ଗ । ଲାଗିଥିଲା ଲକ୍ଷ ଲକ୍ଷ ଟଙ୍କା । ଆଉ ଏହି ଆଇପିଏଲ ବେଟିଙ୍ଗ ବେଳେ ଆସିକା ପୋଲିସ ଚଢ଼ାଉ ୪ ଜଣଙ୍କୁ ଗିରଫ କରିଛି । ଜବତ ହେଲା ୭ ଲକ୍ଷ ୬୦ ହଜାର ଟଙ୍କା ସହ ୬ ମୋବାଇଲ । ଘଟଣାରେ ସମ୍ପୃକ୍ତ ଅନ୍ୟ ଜଣ ୬ ଫେରାର ଅଛନ୍ତି ।
ସୂଚନା ମୁତାବକ, ଗତକାଲି(ରବିବାର) ସନ୍ଧ୍ୟା ସମୟରେ ଆସିକା ସୁବର୍ଣ୍ଣଶ୍ୱେର ମନ୍ଦିର ନିକଟରେ ଆଇପିଏଲ ବେଟିଂ ଚାଲିଥିବା ପୋଲିସ କୌଣସି ସୂତ୍ରରୁ ଖବର ପାଇଥିଲା । ଆସିକା ଥାନା ଅଧିକାରୀଙ୍କ ନିର୍ଦ୍ଦେଶ କ୍ରମେ ଏକ ପାଟ୍ରୋଲିଂ ଟିମ ସେଠାରେ ଚଢ଼ାଉ କରିଥିଲା । ପୋଲିସକୁ ଦେଖି ଛତ୍ରଭଙ୍ଗ ଦେଇଥିଲେ ଖେଳାଳୀମାନେ । ତେବେ ପୋଲିସ ଘଟଣା ସ୍ଥଳରୁ ଆଇପିଏଲ ବେଟିଂରେ ସମ୍ପୃକ୍ତ ୪ ଜଣକୁ ଗିରଫ କରିବାରେ ସଫଳ ହୋଇଥିଲା l ସେମାନଙ୍କ ନିକଟରୁ ୭ ଲକ୍ଷ ୬୦ ହଜାର ଟଙ୍କା ସହିତ ୬ଟି ମୋବାଇଲ ଜବତ କରି କୋର୍ଟ ଚାଲାଣ କରାଯାଇଥିବା ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଆଇପିଏସ ନଚିକେତ ସେଲକେ । ସେପଟେ ଫେରାର ୬ ଜଣ ଜଣଙ୍କୁ ଖୋଜୁଛି ପୋଲିସ । ଯୁବପିଢ଼ି ଏହିଭଳି ଅନଲାଇନ ବେଟିଂ ଠାରୁ ଦୂରେଇ ରହିବାକୁ ସଚେତନ କରିଛନ୍ତି ଆଇପିଏସ ଅଧିକାରୀ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ