ସାମାନ୍ୟ ପୁଡିଆ ପାଇଁ ଗୁଳିକାଣ୍ଡ

ପୁଡିଆ ପାଇଁ ଟଙ୍କା ମାଗିବାରୁ ଦୋକାନୀଙ୍କ ଉପରେ ଗୁଳି ଚଳାଇଲେ ଗ୍ରାହକ । ଆହତ ଦୋକାନୀ ଡାକ୍ତରଖାନାରେ ଭର୍ତ୍ତି । ଗଞ୍ଜାମ ଜିଲ୍ଲାର ଛତ୍ରପୁର ଥାନା ଅନ୍ତର୍ଗତ ସିଙ୍ଗପୁରର ଘଟଣା । ଅଧିକ ପଢ଼ନ୍ତୁ...

ବ୍ରହ୍ମପୁର: ସାମାନ୍ୟ କଥାକୁ କେଦ୍ର କରି ଗଞ୍ଜାମ ଜିଲ୍ଲାର ଛତ୍ରପୁର ଥାନା ଅନ୍ତର୍ଗତ ବଉଳ ଗାଁ ପଞ୍ଚାୟତ ସିଙ୍ଗପୁରରେ ଗୁଳିକାଣ୍ଡ । ଗ୍ରାମରେ ଜଣେ ବ୍ୟବସାୟୀ ସୁଶାନ୍ତ ପାତ୍ରଙ୍କ ଉପରେ ଗୁଳିମାଡ ହୋଇଥିବା ଅଭିଯୋଗ ହୋଇଛି ।

ବ୍ୟବସାୟୀ ସୁଶାନ୍ତଙ୍କ ଉକ୍ତ ଗ୍ରାମରେ ଏକ ତେଜରାତି ଦୋକନ ରହିଛି । ତେବେ ଶୁକ୍ରବାର ସେହି ସାହିରେ ରହୁଥିବା ସଞ୍ଜୟ ବାରିକ ନାମକ ବ୍ୟକ୍ତି ସୁଶାନ୍ତଙ୍କ ଦୋକାନକୁ ଯାଇ ଏକ ପୁଡିଆ ଖାଇବା ପାଇଁ ମାଗିଥିଲେ । ଏଥିପାଇଁ ସୁଶାନ୍ତଙ୍କ ପତ୍ନୀ ଟଙ୍କା ମାଗିବା ପରେ ଉତ୍ୟକ୍ତ ହୋଇ ପଡିଥିଲେ ସଞ୍ଜୟ । ଏହା ପରେ ଘରେ ରଖିଥିବା ଏକ ପିସ୍ତଲକୁ ଆଣି ବ୍ରହ୍ମପୁରରୁ ଘରକୁ ଫେରିଥିବା ସୁଶାନ୍ତଙ୍କ ଉପରେ ଗୁଳି ଚଳାଇଥିଲେ । ଗୁଳି ସୁଶାନ୍ତଙ୍କ ପିଠିରେ ବାଜିଥିବା ବେଳେ ପ୍ରଥମେ ଛତ୍ରପୁର ଉପଖଣ୍ଡ ଚିକିତ୍ସାଳୟ ଏବଂ ପରେ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଥିଲା । ସୂଚନା ପାଇ ଛତ୍ରପୁର ଥାନା ପୋଲିସ ସିଙ୍ଗିପୁର ଗ୍ରାମରେ ପହଞ୍ଚି ତଦନ୍ତ କରିଛନ୍ତି ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ