ଭୟାବହ ଅଗ୍ନିକାଣ୍ଡରେ ଜଳିଗଲା ୧୦ ବଖରା

ବେରୁଆବାଡ଼ି ଗ୍ରାମରେ ଭୟାବହ ଅଗ୍ନିକାଣ୍ଡ । ଚୂଲି ନିଆଁରୁ ୧୦ ବଖରା ଘର ଜଳି ପୋଡ଼ି ପାଉଁଶ ହୋଇଗଲା । ଅଧିକ ପଢନ୍ତୁ

ଭଞ୍ଜନଗର: ଚୁଲି ନିଆଁରୁ ବେରୁଆବାଡ଼ିରେ ଅଗ୍ନିକାଣ୍ଡ । ଏହି ଭୟାବହ ଅଗ୍ନିକାଣ୍ଡରେ ୪ଟି ପରିବାରର ୧୦ଟି ବଖରା ଭସ୍ମୀଭୂତ ହୋଇଯାଇଛି। ଗଞ୍ଜାମ ଜିଲ୍ଲା ଭଞ୍ଜନଗର ବ୍ଳକ ଅନ୍ତର୍ଗତ ତୁରୁମ ପଞ୍ଚାୟତର ବେରୁଆବାଡ଼ି ଗ୍ରାମରେ ଘଟିଛି ଏହି ଅଘଟଣ । ତେବେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନଥିବା ବେଳେ ରୋଷେଇ ଘରର ଚୁଲି ନିଆଁରୁ ଏଭଳି ଘଟିଥିବା ଅନୁମାନ କରାଯାଉଛି । ଉକ୍ତ ଘଟଣାରେ ଗ୍ରାମର ସନ୍ତୋଷ ଗୌଡ଼, ସୁଶାନ୍ତ ଗୌଡ଼, ପଞ୍ଚୁ ଗୌଡ଼ ଓ ଚରଣ ଗୌଡ଼ଙ୍କ ଘର ସମ୍ପୂର୍ଣ୍ଣ ଜଳିଯାଇଛି ।

ଏହାସହ ଘରର ସମସ୍ତ ଆସବାବପତ୍ର ଓ ବହୁ ମୂଲ୍ୟବାନ ଜିନିଷ ଜଳି ପୋଡ଼ି ନଷ୍ଟ ହୋଇଯାଇଛି । ଖବରପାଇ ଭଞ୍ଜନଗର ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅନ୍ୟପକ୍ଷରେ ଉକ୍ତ ପରିବାର ଗରିବ ଶ୍ରେଣୀର ହୋଇଥିବାରୁ ତୁରନ୍ତ ସରକାରୀ ସହାୟତା ପ୍ରଦାନ କରିବା ସହ ଉପଯୁକ୍ତ ଥଇଥାନ କରିବାକୁ ସ୍ଥାନୀୟ ଲୋକେ ନିବେଦନ କରିଛନ୍ତି ।

ଇଟିଭି ଭାରତ, ଭଞ୍ଜନଗର