ଭଞ୍ଜନଗର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ନେଇ କମ୍ପୁଛି ଗାଁ । ଭୋଟରଙ୍କୁ ମିଳିଲାଣି ପୁଳାପୁଳା ପ୍ରତିଶ୍ରୁତି । ଗାଁ ଗଣ୍ଡାରେ ଏବେ ପ୍ରାର୍ଥୀଙ୍କ ଭିଡ଼ ଲାଗିଥିବା ବେଳେ ଭୋଟରମାନଙ୍କୁ ପ୍ରତିଶ୍ରୁତି ଦେଇ ନିଜ ସପକ୍ଷରେ ମତଦାନ ପାଇଁ ଚାଲିଛି ପ୍ରୟାସ।। ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ୬୩ ଜୋନ ଓ ୬୪ ଜୋନର ଜିଲ୍ଲାପରିଷଦ ଏବଂ ସରପଞ୍ଚ ସମିତିସଭ୍ୟ ପ୍ରାର୍ଥୀ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି ବିଧାୟକ ପୂର୍ଣ୍ଣ ଚନ୍ଦ୍ର ସ୍ୱାଇଁ l
ସମସ୍ତ ପ୍ରାର୍ଥୀଙ୍କୁ ନେଇ ଗାଁ କୁ ଗାଁ ବୁଲି ଭୋଟ ମାଗୁଛନ୍ତି ବିଧାୟକ l ଆଜି ଅସୁରବନ୍ଧ, ଭଗବାନପୁର, ଗାଜଲବାଡ଼ି, ଗୋଚ୍ଛା ଆଦି ପଞ୍ଚାୟତର ଗାଁ କୁ ଗାଁ ବୁଲି ପ୍ରଚାର କରିଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନହିତକର କାର୍ଯ୍ୟରେ ପ୍ରତ୍ୟେକ ଗ୍ରାମକୁ ପକ୍କାରାସ୍ତା, ଘର ଘରକୁ ପାନୀୟ ଜଳ,ପକ୍କାଘର, ଭତ୍ତା, ରାସନ କାର୍ଡ ଓ ମହିଳା ଗ୍ରୁପ ମାନଙ୍କ ବିକାଶକୁ ମୁଦ୍ଦା କରି ଜିଲ୍ଲା ପରିଷଦ ପ୍ରାର୍ଥୀ ସମରେନ୍ଦ୍ର ସାହୁ ଲୋକଙ୍କ ପାଖରେ ପହଞ୍ଚି ଭୋଟ ଭିକ୍ଷା କରୁଛନ୍ତି l