ଭଞ୍ଜନଗର : ଧାନ ମିଲରୁ କୁଣ୍ଡା ଗୁଣ୍ଡ ଉଡିବାକୁ ନେଇ ଅସନ୍ତୋଷ । ଯାହାକୁ ପ୍ରବଳ ବିରୋଧ କରିଛନ୍ତି ସାହି ବାସିନ୍ଦା । ଗଞ୍ଜାମ ଜିଲ୍ଲା ପୋଲସରା ବ୍ଲକ ଅନ୍ତର୍ଗତ ଚଣ୍ଡୀ ରାମଚନ୍ଦ୍ରପୁର ଗାଁରେ ରହିଛି ମା ନାଇକାଣି ରାଇସ ମିଲ । ଏହି ମିଲରେ ପ୍ରତିଦିନ ଶହ ଶହ ବସ୍ତା ଧାନ ମିଲିଙ୍ଗ ହେଉଥିବାବେଳେ କୁଣ୍ଡା ଗୁଣ୍ଡ ଲୋକଙ୍କ ଘରେ ପଶୁଛି । ଘରେ ଥିବା ସମସ୍ତ ଆସବାବପତ୍ରରେ ଗୁଣ୍ଡ ଲାଗିଯିବାରୁ ତାହା ବ୍ୟବହାର ଉପଯୋଗୀ ହୋଇପାରୁନି । ଏପରିକି ବାରିପଟେ ଥିବା କୂଅରେ ଗୁଣ୍ଡ ପଡୁଥିବାରୁ ପାଣି ମଧ୍ୟ ବ୍ୟବହାର କରିପାରୁନାହାଁନ୍ତି ଲୋକେ । ଯାହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ଧାନ ମିଲରୁ କୁଣ୍ଡା ଗୁଣ୍ଡ ଉଡିବାକୁ ନେଇ ଅସନ୍ତୋଷ