ବ୍ରହ୍ମପୁର: ଆଗାମୀ ସାଧାରଣ ନିର୍ବାଚନ ପାଇଁ ଭାରତୀୟ କମ୍ୟୁନିଷ୍ଟ ପାର୍ଟି ରେଡ୍ଷ୍ଟାର ପକ୍ଷରୁ ଘୋଷଣା କରାଯାଇଛି ଲୋକସଭା ଓ ବିଧାନସଭା ପ୍ରାର୍ଥୀ ତାଲିକା। ଆସିକା ଲୋକସଭା ଆସନ ପାଇଁ ଶଙ୍କର ସାହୁ, କନ୍ଧମାଳ ପାଇଁ ଟୁନା ମଲ୍ଲିକ, କୋରାପୁଟ ପାଇଁ ରାଜେନ୍ଦ୍ର କେଣ୍ଡ୍ରୁକା, ଭୁବନେଶ୍ୱର ପାଇଁ ପ୍ରମିଳା ବେହେରା, ପୁରୀ ଆସନ ପାଇଁ ରଞ୍ଜନ ମିଶ୍ରଙ୍କ ନାମ ଘୋଷଣା ହୋଇଛି। ସେହିଭଳି ବିଧାନସଭା ଆସନ ପାଇଁ ଭଞ୍ଜନଗରରୁ ପୂର୍ଣ୍ଣଚନ୍ଦ୍ର ପ୍ରଧାନ, ଲକ୍ଷ୍ମୀପୁରରୁ ପୂର୍ଣ୍ଣ ମାଣ୍ଡିଙ୍ଗି, ଭୁବନେଶ୍ୱର ଉତ୍ତରରୁ ରାଜେନ୍ଦ୍ର ପ୍ରସାଦ ବାରିକ ପ୍ରାର୍ଥୀ ହେବେ। ଦଳ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦିଆଯାଇଛି।
ଦେଶ ଓ ରାଜ୍ୟରେ ଆର୍ଥିକ, ସାମାଜିକ ଓ ରାଜନୈତିକ ସ୍ଥିତି ସମୂର୍ଣ୍ଣ ଭୁଷୁଡି ପଡିଛି । ଅଛେ ଦିନ୍, ସ୍ୱଚ୍ଛ ଓ ନିର୍ମଳ ଶାସନର ସ୍ୱପ୍ନ ଦେଖାଇ କ୍ଷମତାସୀନ ହୋଇଥିବା କେନ୍ଦ୍ରର ବିଜେପି ସରକାର ଓ ୧୯ ବର୍ଷ ଧରି ରାଜ୍ୟରେ ଚାଲୁଥିବା ନବୀନ ସରକାର ଜନସାଧାରଣଙ୍କ ଜୀବନ ଓ ଜୀବିକାକୁ ଦୁର୍ବିସହ କରିଚାଲିଛନ୍ତି।