ବ୍ରହ୍ମପୁର: ଏକ ଚୋରି ମାମଲାର ତଦନ୍ତ କରିବାକୁ ଓଡିଶା ଯାଇ ହଟହଟା ହୋଇଛି ତେଲେଙ୍ଗାନା ପୋଲିସ । ସାଧା ପୋଷାକରେ ଥିବାରୁ ଛୁଆଚୋର ଭାବି ପୋଲିସ ଉପରକୁ ଅତର୍କିତ ଆକ୍ରମଣ କରିଛନ୍ତି ଗ୍ରାମବାସୀ । ଏପରିକି ପୋଲିସ ଗାଡିକୁ ବି ଭଙ୍ଗାରୁଜା କରାଯାଇଛି । ଘଟଣାସ୍ଥଳରେ ପାଟପୁର ପୋଲିସ ପହଞ୍ଚି ଆହତ ପୋଲିସ କର୍ମଚାରୀଙ୍କୁ ଉଦ୍ଧାର କରିଛି । ଘଟଣାର ତଦନ୍ତ ଆରମ୍ଭ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଘଟଣାଟି ଏପରି । ଏକ ଚୋରି ମାମଲାର ତଦନ୍ତ କରିବା ପାଇଁ ଗଞ୍ଜାମ ପାଟପୁର ଥାନା ଅନ୍ତର୍ଗତ ଡେଙ୍ଗାଡି ଗ୍ରାମରେ ପହଞ୍ଚିଥିଲା ତେଲେଙ୍ଗାନା ପୋଲିସର ଏକ ଟିମ । ଘଟଣାର ତଦନ୍ତ ପାଇଁ ଅଭିଯୁକ୍ତକୁ ପଚରାଉଚରା କରିଥିଲେ । ହେଲେ ଗ୍ରାମବାସୀଙ୍କ ନଜରରେ ତଦନ୍ତକାରୀ ପୋଲିସ ହୋଇଯାଇଥିଲେ ଛୁଆଚୋର । ଅତର୍କିତ ଆକ୍ରମଣ କରିଥିଲେ ଡେଙ୍ଗାଡି ଗ୍ରାମବାସୀ ।