ଭଞ୍ଜନଗର:ବସ ଦୁର୍ଘଟଣାରେ ଛାତ୍ରଙ୍କ ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ହେଲେ ବାଣତୁମ୍ବ ଗାଁର ଆଦିତ୍ୟ ପଣ୍ଡା ବୋଲି ଜଣାପଡିଛି । ସୂଚନା ଅନୁସାରେ, ଗଞ୍ଜାମ ଧୁମୁଛାଇ ଛକରେ ଜଣେ ଛାତ୍ର ଟିୟୁସନ ଯିବା ପାଇଁ ରାସ୍ତା କଡରେ ଠିଆ ହୋଇଥିଲେ ।
ବସ ଦୁର୍ଘଟଣାରେ ଛାତ୍ରଙ୍କ ମୃତ୍ୟୁ ଭଞ୍ଜନଗରରୁ ଓଏସଆରଟିସର ଏକ ବସ କେନ୍ଦୁଝର ଅଭିମୁଖେ ଯାଉଥିବାବେଳେ ଧୁମୁଛାଇ ଛକରେ ଠିଆ ହୋଇଥିବା ଆଦିତ୍ୟଙ୍କୁ ବସଟିର ଲଗେଜ ଡୋରଟି ବାଜି ଯାଇଥିଲା । ଫଳରେ ସେ ଗୁରୁତର ହୋଇପଡିଥିଲେ । ତାଙ୍କୁ ଉଦ୍ଧାର କରାଯାଇ ମେଡିକାଲ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
