ବ୍ରହ୍ମପୁର: ସହରରେ ଧଳାଜହର କାରବାରର ଫିଟୁଛି ଗୁମର । ଗୋଷାଣୀ ନୂଆଁଗାଁ ପୋଲିସ 12 ଗ୍ରାମ ବ୍ରାଉନସୁଗାର ଜବତ କରିଛି । ଏଥିସହିତ 2 ଯୁବକଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ବୁଡୁ ଦାସ ଓ ରଞ୍ଜନ ସାହୁ ।
ସୂଚନାନୁସାରେ, ଗତ କିଛି ଦିନ ଧରି ରାଜଧାନୀ ଭୁବନେଶ୍ବରରୁ ବ୍ରହ୍ମପୁରକୁ ନିୟମିତ ଭାବେ ବ୍ରାଉନସୁଗାର ଚାଲାଣ ହେଉଥିଲା । ଭାଲିଗଡ ଗ୍ରାମର ଜଣେ ଯୁବକ ନିଜ ଦୋକାନରେ ଏହି ସବୁକୁ ବିକ୍ରି କରିଥିଲା । ଗିରଫ ପରେ ଘଟଣା ସମ୍ପର୍କରେ ଗିରଫ ବ୍ୟବସାୟୀ ବୁଡୁ ଦାଶ ପ୍ରକାଶ କରିଛି ।
ଖାଲି ସେତିକି ନୁହେଁ ରାଜଧାନୀରେ ଏସବୁକୁ ଖୁଲମଖୁଲା ବିକ୍ରି କରାଯାଉଥିବା ବେଳେ ତାହାକୁ କ୍ରୟ କରି ଆଣିବା ସହ ପକେଟ ପିଛା 500 ଟଙ୍କା ବିକ୍ରି କରାଯାଇଛି ।
ଏଥିସହିତ ବୁଡୁକୁ ଏହି କାରବାରରେ ସହଯୋଗ କରୁଥିବା ଅନ୍ୟ ଜଣେ ଯୁବକ ରଞ୍ଜନ ସାହୁକୁ ଗିରଫ କରିଛି ପୋଲିସ । ତେବେ ଗିରଫ ଅଭିଯୁକ୍ତ ଦ୍ବୟ ସମ୍ପର୍କରେ ମାମୁଁ-ଭଣଜା ବୋଲି ପୋଲିସ ପକ୍ଷରୁ ସୂଚନା ମିଳିଛି । ଉଭୟଙ୍କୁ ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ଥାନାକୁ ଆଣି ଅଧିକ ଖୋଳତାଡ ଜାରି ରଖିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
