ବ୍ରହ୍ମପୁର: ବିଜେଡିର ଜନ ସମ୍ପର୍କ ପଦଯାତ୍ରାକୁ ବିଜେପିର ବିରୋଧ । ବ୍ରହ୍ମପୁର ସହରର ଗୋଷାଣିନୂଆଗାଁ ଅଞ୍ଚଳରେ ସୋମବାର ବିଜେଡି ପଦଯାତ୍ରା କରିଥିବାବେଳେ ବିଜେପି ଏହାକୁ ବିରୋଧ କରିଥିଲା । ବିଜେପି କର୍ମୀ ପାଟିରେ କଳାକନା ପରିଧାନ କରି ଗୋଷାଣିନୂଆଗାଁ ଅଞ୍ଚଳରେ ନୀରବ ପ୍ରତିବାଦ କରିଥିବା ଦେଖିବାକୁ ମିଳିଥିଲା ।
ଗୋଷାଣିନୂଆଗାଁରେ ବିଜେଡିର ପଦଯାତ୍ରାକୁ ବିଜେପିର ବିରୋଧ
ଆଜି ବ୍ରହ୍ମପୁର ମହାନଗର ନିଗମର ୩୦ ନମ୍ୱର ୱାର୍ଡର ବିଜେଡିର ଏକ ପଦଯାତ୍ରା ଆରମ୍ଭ ହୋଇଥିଲା, ଏହି ପହଯାତ୍ରାରେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ , ବ୍ରହ୍ମପୁର ବିଧାୟକଙ୍କ ଓ ଦଳର ବହୁ କର୍ମୀ ସାମିଲ ହୋଇଥିଲେ । ଗୌକୁଳଧାମ ଠାରୁ ଏହି ପଦଯାତ୍ରା ବାହାରି ସ୍ଥାନୀୟ ଅଞ୍ଚଳ ପରିକ୍ରମା କରିଥିଲେ । ଏହି ସମୟରେ ବିଜେପି ଦଳର କର୍ମୀ ବିଜେଡିର ଏହି ପଦଯାତ୍ରାକୁ ବିରୋଧ କରିଥିଲେ ।