ବ୍ରହ୍ମପୁର:ପ୍ରତି ଦୁଇ ବର୍ଷକୁ ଥରେ ଆୟୋଜିତ ହେଉଥିବା ବ୍ରହ୍ମପୁରର ପ୍ରସିଦ୍ଧ ମାଆ ବୁଢୀ ଠାକୁରାଣୀଙ୍କ ଯାତ୍ରା ପାରମ୍ପରିକ ରୀତିନୀତିରେ ଶୁକ୍ରବାର ମଧ୍ୟରାତ୍ରରୁ ଶୁଭାରମ୍ଭ ହୋଇଯାଇଛି । ମାଆଙ୍କ ବାପଘର ପକ୍ଷରୁ ମୁଖ୍ୟମନ୍ଦିରକୁ ଯାଇ ନିମନ୍ତ୍ରଣ କରାଯାଇଥିଲା । ଏହାପରେ ଆଜ୍ଞାମାଳ ମିଳିବା ପରେ ଆରମ୍ଭ ହୋଇଥିଲା ଯାତ୍ରା । ଏହି ଯାତ୍ରା ଦୀର୍ଘ ୩୨ ଦିନ ଧରି ଆୟୋଜିତ ହେବ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ମା' ପ୍ରଥମେ ଫୁଲ ଚାଙ୍ଗୁଡାରେ ଆସି ଘଟରେ ସ୍ଥାପନ ହୋଇଛନ୍ତି । ତିନିଦିନ ଅସ୍ଥାୟୀ ମନ୍ଦିରରେ ମା' ବିଶ୍ରାମ ନେବା ପରେ ପ୍ରଥମେ ରାଜାଘର ବୁଲି ପରିକ୍ରମା ଆରମ୍ଭ କରିବେ । ଏହାପରେ ସାହି ପରିକ୍ରମା କରିବେ । ଏପ୍ରେଲ ୨୯ ତାରିଖ ମଧ୍ୟରାତ୍ରରେ ଉଦଯାପିତ ହେବ ଏହି ଯାତ୍ରା ।