ବ୍ରହ୍ମପୁର: ଗଞ୍ଜାମ ଜିଲ୍ଲାର ଦିଗପହଣ୍ଡି ଥାନା ଅନ୍ତର୍ଗତ ବନ୍ଥପଲ୍ଲୀ ଅଞ୍ଚଳରେ ଚେରୁ ଗୌଡ଼ ନାମକ ଜଣେ ଅପରାଧୀ ବୋମା ନେଇ ଯାଉଥିବା ସମୟରେ ଏହା ଫୁଟି ଯିବାରୁ ସେ ଗୁରୁତର ହୋଇଛି। ଚେରୁର ହାତରେ ଗୁରୁତର ଆଘାତ ଲାଗିଥିବା ବେଳେ ଚିକିତ୍ସା ପାଇଁ ବ୍ରହ୍ମପୁର ଏମ୍.କେ.ସି.ଜି ମେଡିକାଲରେ ଭର୍ତ୍ତି କରାଯାଇଛି।
ଚେରୁ ବନ୍ଥପଲ୍ଲୀ ସରପଞ୍ଚକୁ ଆକ୍ରମଣ କରିବାକୁ ଯୋଜନା କରୁଥିବା ନେଇ ଦିଗପହଣ୍ଡି ଥାନାରେ ମାମଲା ରୁଜ ହୋଇଥିବା ବେଳେ ପୋଲିସ ଏ ଘଟଣାର ତଦନ୍ତ ଆରମ୍ଭ କରିଛି। ବ୍ରହ୍ମପୁର ସହରର ସଦରଥାନା ଏବଂ ଦିଗପହଣ୍ଡି ଅଞ୍ଚଳରେ ଚେରୁ ନାମରେ ଅନେକ ମାମଲା ରହିଥିବା ବେଳେ ଆହତ ଚେରୁ ଗୌଡ଼କୁ ପୋଲିସ ଏନକାଉଣ୍ଟର କରି ଗିରଫ ହେବା ପରେ ଜେଲ ଯାଇଥିଲା । ଜେଲରୁ ଆସିବା ପରେ ବି ସେ ଅନେକ ଅପରାଧିକ କାର୍ଯ୍ୟରେ ପୁଣି ଲିପ୍ତ ରହିଥିବା ଏହି ଘଟଣାରୁ ସ୍ପଷ୍ଟ ହୋଇଛି।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
