ଭଞ୍ଜନଗର: ବାଡି ପଛପଟୁ ନବଜାତ ଶିଶୁ ପୁତ୍ର ଉଦ୍ଧାର। ଗଞ୍ଜାମ ଜିଲ୍ଲା ବୁଗୁଡା ବ୍ଲକ ଅନ୍ତର୍ଗତ ବିରଞ୍ଚିପୁର ପଞ୍ଚାୟତର ରାମଚନ୍ଦ୍ରପୁର ଗ୍ରାମରେ ଏହି ନବଜାତ ଶିଶୁ ପୁତ୍ରକୁ ଉଦ୍ଧାର କରାଯାଇଛି।
ପରିତ୍ୟକ୍ତ ସ୍ଥାନରୁ ନବଜାତକ ଉଦ୍ଧାର, ମେଡ଼ିକାଲରେ ଭର୍ତ୍ତି
ସୂଚନା ଅନୁସାରେ, ଆଜି ସକାଳେ ଗ୍ରାମର ପବିତ୍ର ନାୟକଙ୍କ ବାଡ଼ି ପଛପଟେ ପରିତ୍ୟକ୍ତ ଅବସ୍ଥାରେ ନବଜାତ ଶିଶୁ ପୁତ୍ରଟି କାନ୍ଦୁଥିବାର ଦେଖିବାକୁ ମିଳିଥିଲା। ଏହାପରେ ଗ୍ରାମବାସୀଙ୍କ ସହାୟତାରେ ଶିଶୁ ପୁତ୍ରକୁ ଉଦ୍ଧାର କରାଯାଇ ବୁଗୁଡା ମେଡ଼ିକାଲରେ ଭର୍ତ୍ତି କରାଯାଇଛି। ପରେ ଚାଇଲ୍ଡ ଲାଇନ୍ କୁ ଏ ସଂପର୍କରେ ଖବର ଦିଆଯାଇଥିବା ସୂଚନା ମିଳିଛି ।