ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡା ଥାନା ନିକଟ ନୂଆଗଡ ଗ୍ରାମ ଋଷିକୂଲ୍ୟା ନଦୀପଠାରୁ ଏକ ମୁଣ୍ଡ ବିହୀନ ମୃତଦେହକୁ ଉଦ୍ଧାର କରିଛି ସୋରଡା ପୋଲିସ । ମୃତଦେହର ମୁଣ୍ଡଟିକୁ କାଟି ଅନ୍ୟ କେଉଁ ସ୍ଥାନରେ ଲୁଚାଇଛନ୍ତି ହତ୍ୟାକାରୀ । ହତ୍ୟାର ଶିକାର ହୋଇଛନ୍ତି ଭଗିଆ ନାୟକ ହତ୍ୟାକାରୀ ଆଉ କେହି ନୁହେଁ ବରଂ ମୃତକଙ୍କ ନିଜ ସ୍ତ୍ରୀ ବୋଲି ଅଭିଯୋଗ କରିଛନ୍ତି ମୃତ ଭଗିଆଙ୍କ ଭାଉଜ ।
ମୁଣ୍ଡ ବିହୀନ ମୃତଦେହ ଉଦ୍ଧାର, ହତ୍ୟା ସନ୍ଦେହରେ ସ୍ତ୍ରୀକୁ ଅଟକ ରଖିଛି ପୋଲିସ
ମିଳିଥିବା ସୂଚନା ଅନୁସାରେ ଭଗିଆ ନାୟକ 8 ବର୍ଷ ତଳେ ଝିଲି ନାୟକଙ୍କୁ ବିବାହ କରିଥିଲେ । ସେମାନଙ୍କର ଦୁଇଟି ସନ୍ତାନ ମଧ୍ୟ ଅଛି । କିନ୍ତୁ ଅଧିକାଂଶ ସମୟରେ ସ୍ଵାମୀ ସ୍ତ୍ରୀ ମଧ୍ୟରେ କଳହ ଲାଗିରହିଥାଏ । ସ୍ତ୍ରୀର ଅନୈତିକ ସମ୍ପର୍କ ଥିବାନେଇ ଗୁଡିପଲ୍ଲୀରୁ ଗ୍ରାମବାସୀ ବାହାର କରିଦେଇଥିଲେ ବୋଲି ମୃତକ ଭଗିଆଙ୍କ ବଡ ଭାଇ ବିଦେଶୀ ଏବଂ ଭାଉଜ ସାଇବାଣୀ ଅଭିଯୋଗ କରିଛନ୍ତି ।