ବ୍ରହ୍ମପୁର:କରାଟିରେ ପିଲାଙ୍କୁ ଉତ୍ସାହିତ କରିବାରୁଗଞ୍ଜାମରେ ଆୟୋଜିତ ହୋଇଛି ତୃତୀୟ ଟାଏକୋଣ୍ଡା କଲର ବେଲ୍ଟ ପ୍ରତିଯୋଗିତା । ହୋପ ଟାଏକୋଣ୍ଡା ଏକାଡେମୀ ପକ୍ଷରୁ ସ୍ଥାନୀୟ ଭାରତୀ ବିଦ୍ୟାପୀଠ ସମ୍ମିଳନୀ କକ୍ଷରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଛି । ଏକାଡେମୀ ପ୍ରଶିକ୍ଷକ ସିଏଚ ପ୍ରସାଦ ନାୟକଙ୍କ ତତ୍ତ୍ବାବଧାନରେ ଏହା ଆୟୋଜିତ ହୋଇଛି ।
ଏହି ପ୍ରତିଯୋଗିତାରେ ଆନ୍ତର୍ଜାତିକ ରେଫରୀ ତଥା ରାଜ୍ୟ ସଂପାଦକ କେ ମନୋଜ ପ୍ରଧାନ ପରୀକ୍ଷକ ଭାବେ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ ପରୀକ୍ଷା କରି ଆବଶ୍ୟକ ପରାମର୍ଶ ଦେଇଥିଲେ। ହୋପ ଟାଏକୋଣ୍ଡୋ ଏକାଡେମୀର ସଭାପତି ଡି ଗୋବିନ୍ଦ ରେଡ୍ଡୀଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଟାଏକୋଣ୍ଡୋ ଜିଲ୍ଲା ସଭାପତି ଶ୍ରୀକାନ୍ତ ମହାନ୍ତି ଯୋଗ ଦେଇ କୃତ୍ତି ପ୍ରତିଯୋଗୀମାନଙ୍କୁ ପ୍ରମାଣପତ୍ର ପ୍ରଦାନ କରିଥିଲେ।