ବ୍ରହ୍ମପୁର: ଓଡିଶାର 3ଟି ଶ୍ରେଷ୍ଠ ପଞ୍ଚାୟତ ଭାବେ ପୁରସ୍କୃତ ହୋଇଛି ଗଞ୍ଜାମର 3ଟି ପଞ୍ଚାୟତ । ଜାତୀୟ ପଞ୍ଚାୟତିରାଜ ଦିବସର ତିନୋଟି ପୃଥକ ପୃଥକ ବିଭାଗରେ କାଇଞ୍ଚପୁର, ବଡବୋରାସିଙ୍ଗି ଓ ପୋଡାମାରି ପଞ୍ଚାୟତକୁ ମିଳିଛି ଜାତୀୟ ପଞ୍ଚାୟତ ଆୱାର୍ଡ ।
ଏ ନେଇ ଜିଲ୍ଲା ପ୍ରଶାସନ ପକ୍ଷରୁ ଖୁସିବ୍ୟକ୍ତ କରି ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଏକ ଟ୍ବିଟ କରି ଜିଲ୍ଲାଗ୍ରାମ୍ୟ ଉନ୍ନୟନ ସଂସ୍ଥାର ଟିମ୍ ସମସ୍ତ ସରପଞ୍ଚଙ୍କୁ ଶୁଭେଚ୍ଛା ଜଣାଇଛନ୍ତି । ଅନ୍ୟପଟେ ଡିଆରଡିଏ ପକ୍ଷରୁ ମଧ୍ୟ ବ୍ଳକର ବିଡିଓ ଏବଂ ସରପଞ୍ଚ ଙ୍କୁ ଶୁଭେଚ୍ଛା ଜଣାଯାଇଛି ।