ବ୍ରହ୍ମପୁର: ଗଞ୍ଜାମ ଜିଲ୍ଲାର ଚମାଖଣ୍ଡି ଥାନା ଅଞ୍ଚଳରେ ଜଣେ ଯୁବ ଇଞ୍ଜିନିୟରଙ୍କୁ ଅପହରଣ କରି ଟଙ୍କା ଦାବି କରୁଥିବା ଅଭିଯୋଗରେ ପୋଲିସ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି। ଏହାସହ ନଗଦ ଏକ ଲକ୍ଷ ଅଠର ହଜାର ଟଙ୍କା, ଟୟ ଗନ ଓ ଦୁଇଟି ମୋଟର ସାଇକେଲ ଜବତ କରାଯାଇଛି । ଚମାଖଣ୍ଡି ପୋଲିସ ତିନିଜଣ ଅଭିଯୁକ୍ତଙ୍କୁ ବ୍ରହ୍ମପୁରରୁ ଗିରଫ କରିଛି।
ଭିଡିଓ ସୌଜନ୍ୟ- ସମ୍ବାଦଦାତା, ବ୍ରହ୍ମପୁର
ତେବେ ଗିରଫ ହୋଇଥିବା ଅଭିଯୁକ୍ତମାନେ ହେଲେ ରାଘବ ସ୍ବାଇଁ, ଅମିତ ମୁଖୀ, ରାକେଶ ପାଣିଗ୍ରାହୀ। ସୂଚନା ଅନୁଯାୟୀ ଗତ ୧୫ ତାରିଖ ରାତିରେ ହୋଇଥିଲା ଏହି କାଣ୍ଡ। ଆଇ.ଏସ୍. ଡି.ଏଲ ନାମକ ଏକ କମ୍ପାନୀର ପ୍ରୋଜେକ୍ଟ ଇଞ୍ଜିନିୟର ଭାବରେ କାର୍ଯ୍ୟ କରୁଥିବା ପଙ୍କଜ କୁମାର କୁଲିରିଆ ଏବଂ ତାଙ୍କ ଡ୍ରାଇଭର ଅଫିସ ଗାଡ଼ିରେ ଆସୁଥିବା ସମୟରେ ଆଇ.ଆର୍. ଇ.ଏଲ ଛକ ନିକଟରେ ୬ଜଣ ଦୁର୍ବୃତ୍ତ ତାଙ୍କୁ ଅପହରଣ କରିନେଇଥିଲେ।