ବ୍ରହ୍ମପୁର: ଘରୁ ଉଦ୍ଧାର ହେଲା 13 ଫୁଟ ଲମ୍ବର ଅହିରାଜ ସାପ। ଗଞ୍ଜାମ ବୁଗୁଡ଼ା ବନବିଭାଗ ଅନ୍ତର୍ଗତ ଭଗବାନପୁର ଗ୍ରାମରେ ରହୁଥିବା ଭଗବାନ ସାହୁଙ୍କ ଘର ଭିତରୁ ଅହିରାଜଟି ଉଦ୍ଧାର ହୋଇଥିବା ସୂଚନା ରହିଛି। ସ୍ନେକ ହେଲ୍ପ ଲାଇନ ଘଟଣାସ୍ଥଳରେ ପହଞ୍ଚି ସାପଟିକୁ ସ୍ଥାନୀୟ କରଚୁଲି ଜଙ୍ଗଲରେ ଛାଡିଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଭଗବାନ ସାହୁ ଖରାବେଳେ ଘରକୁ ଖାଇବାକୁ ଯିବା ବେଳେ ହଠାତ ଦେଖିଥିଲେ ଗୋଟିଏ ଅହିରାଜ ତାଙ୍କ ଘରକୁ ପ୍ରବେଶ କରୁଛି। ଏହାପରେ ସେ ସ୍ନେକ୍ ହେଲ୍ପ ଲାଇନ୍ ର ସଦସ୍ୟଙ୍କୁ ଖବର ଦେଇଥିଲେ। ବିକରଡ଼ାବାଡ଼ିର ଗ୍ରାମର ହରିଶ ପାଢୀ ସେଠାରେ ପହଞ୍ଚି ସାପଟିକୁ ଉଦ୍ଧାର କରିବାବେଳେ ସାପଟି ଏକ ଗୋଧିକୁ ଖାଇ ଦେଇଥବା ଜଣାପଡିଥିଲା ।