ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡା ବ୍ଲକସ୍ଥିତ ଅସୁରବନ୍ଧ ପଞ୍ଚାୟତ ଢେପାପଲ୍ଲୀ ହରିଜନ ସାହିରେ ଭୟାବହ ଅଗ୍ନିକାଣ୍ଡ । ଏଥିରେ 11ଟି ଘର ପୋଡି ପାଉଁଶ ହୋଇ ଯାଇଥିବା ସୂଚନା । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ଅଗ୍ନିକାଣ୍ଡରେ 11 ଘର ପୋଡି ପାଉଁଶ
ଆଜି(ରବିବାର) ସକାଳ 8 ଟା ସମୟରେ ହରିଜନ ସାହିର ଏକ ଘରେ ହଠାତ୍ ନିଆଁ ଲାଗି ଯାଇଥିଲା । ସ୍ଥାନୀୟ ଲୋକେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ମଧ୍ୟ ଦେଖୁ ଦେଖୁ ନିଆଁ ଗୋଟିଏ ପରେ ଗୋଟିଏ ଘରକୁ ବ୍ୟାପି ଯାଇଥିଲା । ପରେ ଖବର ପାଇ ସୋରଡା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି । ଅନ୍ୟପଟେ ରାଜସ୍ବ ନିରୀକ୍ଷକ ମଧ୍ୟ ପହଞ୍ଚି କ୍ଷୟକ୍ଷତି ଆକଳନ କରି ଫେରିଛନ୍ତି ।