ଅଟୋ ଓଲଟି ମହିଳା ମୃତ, 5 ଗୁରୁତର

ରାୟଗଡ଼ା ବ୍ଲକ ମଣ୍ଡଳସାହି ଘାଟିରେ ଘଟିଛି ସଡକ ଦୁର୍ଘଟଣା । ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ପାଞ୍ଚ ଜଣ ଆହତ ହୋଇଛନ୍ତି । ଭୋଜି ଖାଇ ଫେରିବା ବେଳେ ଘଟିଥିଲା ଦୁର୍ଘଟଣା।

ଗଜପତି: ରାୟଗଡ଼ା ବ୍ଲକ ମଣ୍ଡଳସାହି ଘାଟିରେ ଘଟିଛି ସଡକ ଦୁର୍ଘଟଣା । ଦୁର୍ଘଟଣାରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ପାଞ୍ଚ ଜଣ ଆହତ ହୋଇଛନ୍ତି । ଶନିବାର ସନ୍ଧ୍ୟା ସମୟରେ ରାୟଗଡା ହାଟରୁ ମଣ୍ଡଳ ସାହିକୁ ଅଟୋରେ ଫେରିବା ସମୟରେ ମଣ୍ଡଳସାହି ଘାଟିରେ ଅଟୋଟି ନିଜର ଭାରସାମ୍ୟ ହରାଇ ତଳକୁ ଖସି ଯାଇଥିଲା ।

ଫଳରେ ଘଟଣା ସ୍ଥଳରେ ହିଁ ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳା ଡମ୍ବାଳ ଅଞ୍ଚଳର ପଦ୍ମା ଗମାଙ୍ଗ ବୋଲି ଜଣାପଡିଛି । ଅନ୍ୟପଟେ ଗୁରୁତର ଆହତ ପାଞ୍ଚ ଜଣଙ୍କୁ ପାରଳାଖେମୁଣ୍ଡି ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି ।

ଗଜପତିରୁ ହରିହର ପଟ୍ଟନାୟକ,ଇଟିଭି ଭାରତ