ଓଡିଶା

odisha

ETV Bharat / state

ଖୋଲି ଦେଲେ ପୌଷ୍ୟ ସନ୍ତାନ ଗ୍ରହଣ କେନ୍ଦ୍ର, ଟଙ୍କା ଦେବାକୁ ଗଲେ ଭୁଲି - assistance

ଗଜପତି ଜିଲ୍ଲାର ସ୍ବତନ୍ତ୍ର ପୋଷ୍ୟ ସନ୍ତାନ କେନ୍ଦ୍ରକୁ ସରକରାଙ୍କ ଅବହେଳା । କେନ୍ଦ୍ର ଦ୍ବାରା ପରିଚାଳିତ ଏହି ସଂସ୍ଥାକୁ ଆଜି ଯାଏ ଅନୁଦାନ ମିଳିନଥିବାର ଅଭିଯୋଗ କରିଛନ୍ତି ସଂସ୍ଥାର ପରିଚାଳକ ।

ଫଟୋ ସୌଜନ୍ୟ: ପ୍ରତିନିଧି, ଗଜପତି

By

Published : Mar 9, 2019, 11:41 PM IST

ଗଜପତି: ଅନାଥ ଓ ପରିତ୍ୟକ୍ତ ପିଲାଙ୍କ ପାଇଁ ସରକାର ଖୋଲିଛନ୍ତି ପୌଷ୍ୟ ସନ୍ତାନ ଗ୍ରହଣ କେନ୍ଦ୍ର । ବିଭିନ୍ନ ସ୍ଥାନରେ ଏପରି ସଂସ୍ଥା ଖୋଲା ଯାଇଥିବା ବେଳେ ଗଜପତିରେ ମଧ୍ୟ ଏକ ସ୍ବତନ୍ତ୍ର ପୋଷ୍ୟ ସନ୍ତାନ ଗ୍ରହଣ କେନ୍ଦ୍ର ଖୋଲା ଯାଇଛି । ଏହି କେନ୍ଦ୍ର ଆରମ୍ଭ ବେଳେ 16 ଜଣ ଛୁଆଙ୍କୁ କୋଳେଇ ନେଇଥିଲା ସ୍ଥାନୀୟ ସଂସ୍ଥାନ । ଆଉ ଏଥି ମଧ୍ୟରୁ 10 ଜଣକୁ ନୂଆ ପରିବାର ବି ମିଳି ଗଲାଣି । ହେଲେ କେନ୍ଦ୍ର ଦ୍ବାରା ପରିଚାଳିତ ଏହି କେନ୍ଦ୍ରକୁ ଅନୁଦାନ ମିଳୁନଥିବାର ଅଭିଯୋଗ କରିଛନ୍ତି ସଂସ୍ଥାର ପରିଚାଳକ ।

ଭିଡିଓ ସୌଜନ୍ୟ: ପ୍ରତିନିଧି, ଗଜପତି


ଶିଶୁଙ୍କ ଯତ୍ନ ପାଇଁ ଖର୍ଚ୍ଚ ହେଉଥିବା ଟଙ୍କା କିମ୍ବା ଅନ୍ୟାନ୍ୟ ଆନୁସଙ୍ଗିକ ଖର୍ଚ୍ଚ ପାଇଁ ସରକାର ବ୍ୟବସ୍ଥା କରିବାର ନିୟମ ରହିଛି । ପ୍ରତି ଶିଶୁଙ୍କ ଲାଗି ମାସକୁ ସାଢେ 3 ହଜାର ଟଙ୍କା ଖର୍ଚ୍ଚ ହେଉଥିବା ବେଳେ ଅନୁଦାନ ମିଳୁନଥିବାରୁ କେନ୍ଦ୍ର ଚଳାଇବା କଷ୍ଟ ହୋଇପଡିଛି । ସେପଟେ, କିନ୍ତୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ କୁହନ୍ତି ସରକାରଙ୍କୁ ସେ ଏନେଇ ଅବଗତ କରାଇଛନ୍ତି ଆଉ ଯଥାଶୀଘ୍ର କେନ୍ଦ୍ରକୁ ଅନୁଦାନ ମିଳିବ ।

କିଛି ଶିଶୁଙ୍କୁ ଏ ସଂସ୍ଥା ନୂଆ ପରିବାର ଦେଇଥିବାବେଳେ ଏବେ ଆର୍ଥିକ ସହାୟତା ଆବଶ୍ୟକ ହୋଇପଡିଛି ।

ଗଜପତିରୁ ହରିହର ପଟ୍ଟନାୟକ ଇଟିଭି ଭାରତ

ABOUT THE AUTHOR

...view details