ଗଜପତି: ଚାରିଆଡେ ସମସ୍ତେ ମାତିଛନ୍ତି ନିର୍ବାଚନରେ । ପ୍ରାର୍ଥୀ ଭୋଟରଙ୍କ ମନ ଜିତିବା ପାଇଁ ଚଳାଇଛନ୍ତି ପ୍ରୟାସ । ଆଉ ଆଜି ହେଉଛି ନିର୍ବାଚନ ପ୍ରଚାରର ଶେଷ ଦିନ । ସବୁଠି ପ୍ରାର୍ଥୀ ପ୍ରାଣପଣେ ଭୋଟ ହାସଲ ପାଇଁ କରୁଛନ୍ତି ଶେଷ ପ୍ରୟାସ । ଆଉ ଦୁଇ ଦିନ ପରେ ଗଜପତି ଜିଲ୍ଲାର ଉଭୟ ମୋହନା ଏବଂ ପାରଳାଖେମୁଣ୍ଡି ନିର୍ବାଚନ ମଣ୍ଡଳୀରେ ଭୋଟ ଗ୍ରହଣ କରାଯିବ। ତେଣୁ ଏନେଇ ପ୍ରସ୍ତୁତ ହେଉଛି ପୋଲିସ ।
ଭିଡିଓ ସୌଜନ୍ୟ : ପ୍ରତିନିଧି,ଗଜପତି
ଏହି ନିର୍ବାଚନକୁ ଅବାଧ ଓ ନିରପେକ୍ଷ କରିବା ପାଇଁ ଗଜପତି ଜିଲ୍ଲା ପୋଲିସ ପକ୍ଷରୁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି । ଗଜପତି ଏକ ସୀମାନ୍ତବର୍ତ୍ତୀ ଜିଲ୍ଲା ହୋଇଥିବାରୁ ଉଭୟ ଗଜପତି ପୋଲିସ ଏବଂ ଆନ୍ଧ୍ର ପ୍ରଦେଶ ପୋଲିସ ସମନ୍ବୟ ରକ୍ଷା କରି ଅସାମାଜିକ ବ୍ୟକ୍ତିଙ୍କ ଗତିବିଧି ଉପରେ ନଜର ରଖିଛନ୍ତି ।