ଗଜପତି: ସ୍ଥଳଭାଗ ଛୁଇଁଲା ମହା ଭୟଙ୍କର ବାତ୍ୟା ଫନି । ଏନେଇ ଗଜପତି ଜିଲ୍ଲାରେ ବାତ୍ୟାର ମୁକାବିଲା ପାଇଁ ପ୍ରଶାସନ ତରଫରୁ ସମସ୍ତ ପ୍ରସ୍ତୁତି କରାଯାଇଛି । ତେବେ ବାତ୍ୟା ତିତିଲିକୁ 6 ମାସ ବିତିଥିବାବେଳେ ଏବେ ବାତ୍ୟା ଫନିକୁ ନେଇ ଲୋକଙ୍କ ମଧ୍ୟରେ ଖାସ୍ କରି ବସ୍ତି ବାସିନ୍ଦାଙ୍କ ମନରେ ଅନେକ ଭୟ ସୃଷ୍ଟି ହୋଇଛି ।
ଭିଡିଓ ସୈଜନ୍ୟ:ପ୍ରତିନିଧି, ଗଜପତି
ତେବେ ଗଜପତି ଜିଲ୍ଲାରେ 1 ଟିମ୍ ଏନଡିଆରଫ ଓ ଏକ ଓଡ୍ରାଫ ଟିମ ଆସି ପହଁଞ୍ଚିଛନ୍ତି । ଏଥିସହ ଅଗ୍ନିଶମ ବିଭାଗର 30 ଜଣିଆ ଟିମ ଜିଲ୍ଲାରେ ଯେକୌଣସି ପରିସ୍ଥିତିର ମୁକାବିଲା କରିବା ପାଇଁ ପ୍ରସ୍ତୁତ ହୋଇରହିଛନ୍ତି । ଏହାଛଡା ଜିଲ୍ଲାରେ 298ଟି ବାତ୍ୟା ଆଶ୍ରୟସ୍ଥଳୀ ଖୋଲାଯାଇ ଥିବାବେଳେ ଗୁରୁବାର ରାତି ସୁଦ୍ଧା ପ୍ରାୟ 30ହଜାର ଲୋକଙ୍କୁ ଜିଲ୍ଲାର ବିଭିନ୍ନ ସମ୍ବେଦନଶୀଳ ଅଞ୍ଚଳରୁ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର କରାଯାଇଛି ।