ଜୁଆ ଆଡ୍ଡାରେ ଚଢାଉ ବେଳେ ପୋଲିସ ଉପରେ ଆକ୍ରମଣ

ଗଜପତି ଜିଲ୍ଲା ଗୁରାଣ୍ଡି ଥାନା ଅନ୍ତର୍ଗତ ଖରସଣ୍ଢା ଗାଁରେ ପୋଲିସ ଉପରେ ଆକ୍ରମଣ ହୋଇଛି । ଅଧିକ ପଢନ୍ତୁ...

ଗଜପତି: ରାଜ୍ୟରେ ପୋଲିସ ଉପରେ ଏବେ ବୃଦ୍ଧି ପାଉଛି ଆକ୍ରମଣ ଘଟଣା । କେଉଁଠି ପୋଲିସ ଗାଡି ଉପରେ ଆକ୍ରମଣ କରାଯାଉଛି ତ ଆଉ କେଉଁଠି ପୋଲିସ ଉପରକୁ ପଥର ଫିଙ୍ଗୁଛନ୍ତି ଅସାମାଜିକ ଲୋକେ । ତେବେ ଗୁରୁବାର ଗଜପତି ଜିଲ୍ଲାରୁ ସାମ୍ନାକୁ ଆସିଛି ଏପରି ଘଟଣା ।

ଗଜପତି ଜିଲ୍ଲା ଗୁରାଣ୍ଡି ଥାନା ଅନ୍ତର୍ଗତ ଖରସଣ୍ଢା ଗାଁରେ ପୋଲିସ ଉପରେ ଆକ୍ରମଣ ହୋଇଛି । ପଥର ମାଡରେ ପୋଲିସ ଗାଡ଼ି ଭଙ୍ଗାରୁଜା ହୋଇଥିବା ଦେଖିବାକୁ ମିଳିଛି ।

ଜୁଆ ଖେଳ ଚାଲିଥିବା ଖବର ପାଇ ଗୁରାଣ୍ଡି ଥା ଅଧିକାରୀ ମମତା ପଣ୍ଡା ଚଢ଼ଉ ପାଇଁ ଯାଇଥିବା ବେଳେ ଆକ୍ରମଣ ହୋଇଥିବା ସୂଚନା ଦେଇଛନ୍ତି ଏସପି ତପନ କୁମାର ପଟ୍ଟନାୟକ। ଘଟଣାସ୍ଥଳକୁ ପାରଳାଖେମୁଣ୍ଡି ଏସଡିପିଓ ରାମକୃଷ୍ଣ ପତି ଏବଂ ତହସିଲଦାର ଅଚ୍ୟୁତାନନ୍ଦ ଜାନୀ ଯାଇଥିବା ସୂଚନା।

ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ