ଗଜପତି: ଗଜପତି-ଓଡିଶା ସୀମାନ୍ତ ଅମରିଙ୍ଗି ନିକଟରେ ଥିବା ଲୁଣ୍ଡା ଜଳ ପ୍ରପାତର ଉନ୍ନତି କରି ପର୍ଯ୍ୟଟନସ୍ଥଳୀ ଭାବେ ନିର୍ମାଣ କରିବାକୁ ଅଣ୍ଟା ଭିଡିଛି ଆନ୍ଧ୍ର । ହେଲେ ବର୍ତ୍ତମାନ ସୁଦ୍ଧା ଓଡିଶାର ଏହି ସ୍ଥାନକୁ ଗଜପତି ଜିଲ୍ଲା ପ୍ରଶାସନ ଠାବ କରିନାହିଁ । ଯାହାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଲୋକଙ୍କ ମତରେ କାହିଁ କେଉଁ ଅନାଦି କାଳରୁ କୁଳୁକୁଳୁ ନାଦ କରି ବୋହିଯାଉଛି ପ୍ରାକୃତିକ ସୌନ୍ଦର୍ଯ୍ୟରେ ବିମଣ୍ଡିତା ଲୁଣ୍ଡା ଜଳ ପ୍ରପାତ । ପୂର୍ବରୁ ଏହି ଜଳ ପ୍ରପାତ ପାତାଳ ଗଙ୍ଗା ନାମରେ ପରିଚିତ ଥିଲା । ଏପରିକି ଦଶହରା ସମୟରେ ଏଠାରୁ ପଥର ନେଇ ଲୋକେ ପୂଜା ମଧ୍ୟ କରୁଥିଲେ ।
ଲୁଣ୍ଡା ଜଳ ପ୍ରପାତ ଉପରେ ଆନ୍ଧ୍ରର ନଜର, ଆଖି ବୁଜିଛନ୍ତି ଓଡିଶା ସରକାର
ହେଲେ ରାଜ୍ୟ ସରକାରଙ୍କ ଅବହେଳା କାରଣରୁ ଏହାକୁ ଏବେ ଆନ୍ଧ୍ର ସରକାର କବଜା କରିବାକୁ ବସିଛନ୍ତି । ଯଦି ଏହା ଉପରେ ରାଜ୍ୟ ସରକାରଙ୍କ ଦୃଷ୍ଟି ପଡେ ତେବେ ଏହା ଏକ ଉତ୍କୃଷ୍ଟ ପର୍ଯ୍ୟଟନ ସ୍ଥଳୀ ଭାବେ ଠିଆ ହୋଇ ପାରିବ ।