ଗଜପତି: ପାରଳାଖେମୁଣ୍ଡି ପୋଲିସକୁ ମିଳିଛି ବଡ ସଫଳତା । ଏଥିସହ ବେଆଇନ ଗୁଟକା ବେପାରୀଙ୍କୁ ଜୋରଦାର ଝଟକା ଲାଗିଛି । ସୂଚନାନୁସାରେ ପାରଳାଖେମୁଣ୍ଡି ଥାନା ଅନ୍ତର୍ଗତ ବିଭିନ୍ନ ଅଞ୍ଚଳରେ ଗୁରୁବାର ପୋଲିସ ପକ୍ଷରୁ ଅତର୍କିତ ଚଢାଉ କରାଯାଇଛି । ଚଢାଉ ବେଳେ ବିପୁଳ ପରିମାଣର ଗୁଟକା ଜବତ କରିଛି ପୋଲିସ ।
ଏହାସହିତ କାରବାରରେ ସମ୍ପୃକ୍ତ ଥିବା 2 ଜଣ ଅଭିଯୁକ୍ତକୁ ଗିରଫ କରାଯାଇଛି । ଗିରଫ ଅଭିଯୁକ୍ତ ହେଲେ ରାଣୀପେଣ୍ଠର ରାମବାବୁ ରେଡ୍ଡି ଏବଂ ପାରଳାଖେମୁଣ୍ଡି କୁମୁଟି ସାହିର କୋରଡା ତାରକେଶ୍ବର । ତେବେ ଜବତ ଗୁଟକାର ମୂଲ୍ୟ ଆନୁମାନିକ ମୂଲ୍ୟ ପ୍ରାୟ 20 ଲକ୍ଷ ଟଙ୍କା ହେବ । ଏସମ୍ପର୍କରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏସପି ସାରା ଶର୍ମା ସୂଚନା ଦେଇଛନ୍ତି ।