ଢେଙ୍କାନାଳ:ଗଜଲକ୍ଷ୍ମୀ ପୂଜା ଦେଖି ଫେରୁଥିବା ବେଳେ ଭୟଙ୍କର ସଡକ ଦୁର୍ଘଟଣା । ଗଛରେ ଯାତ୍ରୀବାହୀ ଅଟୋ ପିଟି ହୋଇ ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ ୬ଜଣ ଆହତ ହୋଇଛନ୍ତି । ତେବେ ଏଭଳି ଘଟଣା ଘଟିଛି ଢେଙ୍କାନାଳ ଜିଲ୍ଲା ସଦର ଥାନା ମହୁଲ ପାଳ ନିକଟରେ । ତେବେ ମୃତ ମହିଳା ଜଣଙ୍କ ହେଉଛନ୍ତି ପ୍ରତିମା ମହାନ୍ତି ।
ଏହା ମଧ୍ୟ ପଢନ୍ତୁ- ବାପା-ପୁଅଙ୍କ ଉପରେ ମାଡି ଗଲା ବୋଲେରୋ, ଜଣେ ମୃତ
ସୂଚନା ମୁତାବକ, ଗଜଳଷ୍ମୀ ପୂଜା ଦେଖିବାକୁ ଢେଙ୍କାନାଳ ସହରକୁ ଏକ ଯାତ୍ରୀବାହୀ ଅଟୋ ଯାଉଥିଲା । ମହୁଲପାଳ ନିକଟରେ ଅଟୋଟି ଭାରସାମ୍ୟ ହରାଇ ରାସ୍ତା ପାର୍ଶ୍ୱରେ ଏକ ଗଛକୁ ଧକ୍କା ଦେଇଥିଲା । ଯାହା ଫଳରେ ଘଟଣାସ୍ଥଳରେ ହିଁ ଅଟୋ ରିକ୍ସାରେ ଥିବା ଜଣେ ମହିଳାଯାତ୍ରୀଙ୍କ ମୃତ୍ୟୁ ହୋଇଥିଲା । ସେହିପରି ଅନ୍ୟ ୬ଜଣଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ମୃତାହତମାନେ ସମସ୍ତେ ଢେଙ୍କାନାଳ ସଦର ଥାନା ଅନ୍ତର୍ଗତ କୁରୁମ ଟାଙ୍ଗର ଗ୍ରାମର ବୋଲି ଜଣାପଡିଛି । କୁରୁମ ଟାଙ୍ଗର ଗ୍ରାମରୁ ଏହି ଯାତ୍ରୀମାନଙ୍କୁ ନେଇ ଅଟୋଟି ଢେଙ୍କାନାଳ ସହର ଅଭିମୁଖେ ଯାଉଥିବା ବେଳେ ମହୁଲପାଳ ଗ୍ରାମ ରାସ୍ତାରେ ଏହି ଦୁର୍ଘଟଣା ଘଟିଛି ।