ନିଆଁରେ ପୋଡି ମହିଳା ଜୀବନ୍ତଦଗ୍ଧ, ସ୍ବାମୀ ଅଟକ

ଢେଙ୍କାନାଳ ଚୂନରଗଡି ଗାଁରେ ଅଭାବନୀୟ ଘଟଣା । ନିଆଁରେ ପୋଡି ମହିଳା ଜୀବନ୍ତଦଗ୍ଧ, ସ୍ବାମୀ ଅଟକ । ଅଧିକ ପଢନ୍ତୁ...

ଢେଙ୍କାନାଳ: ନିଆଁରେ ପୋଡି ହୋଇ ଜଣେ ମହିଳା ଜୀବନ୍ତ ଦଗ୍ଧ ହୋଇଯାଇଛନ୍ତି । ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଅନ୍ତର୍ଗତ ଚୂନ ରଗଡି ଗାଁରେ । ମୃତ ମହିଳା ସେହି ଗାଁର ରିଙ୍କି ମହାଭୋଇ l ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି । ତେବେ, ମହିଳାଙ୍କ ଦେହରେ କିପରି ନିଆଁ ଲାଗିଲା ତାହାର ପ୍ରକୃତ କାରଣ ଜଣାପଡି ନାହିଁ ।

ମୃତ ମହିଳାଙ୍କ ସ୍ବାମୀଙ୍କୁ ଥାନାରେ ଅଟକ ରଖାଯାଇଛି । ଘଟଣାର ସତ୍ୟତା ଜାଣିବା ପାଇଁ ପୋଲିସ ପଚରାଉଚୁରା ଜାରି ରଖିଛି l ବର୍ତ୍ତମାନ ସୁଦ୍ଧା ଥାନାରେ କୌଣସି ଲିଖିତ ଅଭିଯୋଗ ହୋଇନଥିବା ସୂଚନା ମିଳିଛି । ପୋଲିସ ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇ ତଦନ୍ତ ଜାରି ରଖିଛି।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ