ଢେଙ୍କାନାଳ:ଭାରତୀୟ ସୈନ୍ୟ ବାହିନୀର ପାକିସ୍ତାନ ସହ ୧୯୭୧ ମସିହା ଯୁଦ୍ଧ ସଫଳତାର ବିଜୟ ଓ ବାଂଲାଦେଶକୁ ସ୍ବାଧୀନତା ଦେଇଥିବାର ୫୦ବର୍ଷ ପୁର୍ତ୍ତି ପାଳନ କରୁଛି ଭାରତ । ଏହି ଯୁଦ୍ଧରେ ସାମିଲ ହୋଇଥିବା ବୀର ସୈନିକଙ୍କୁ ମନେ ପକାଇ ସ୍ବତନ୍ତ୍ର ବିଜୟ ମଶାଲ ସେମାନଙ୍କ ପାଖରେ ପହଞ୍ଚାଇ ଭାରତର ଏହି ବୀର ଯୋଦ୍ଧାଙ୍କୁ ସମ୍ବର୍ଦ୍ଧିତ କରାଯାଉଛି । ୧୯୭୧ ମସିହା ଯୁଦ୍ଧରେ ସାମିଲ ହୋଇଥିବା ଭାରତୀୟ ସୈନ୍ୟବାହିନୀର ବ୍ରିଗେଡିୟର ତଥା ପୂର୍ବତନ କେନ୍ଦ୍ରମନ୍ତ୍ରୀ କାମାକ୍ଷା ପ୍ରସାଦ ସିଂହଦେଓ ଓ ତାଙ୍କ ସାନଭାଇ ଉଇଙ୍ଗ କମାଣ୍ଡର ବିରଜା ଶଙ୍କର ସିଂହଦେଓଙ୍କୁ ଭାରତୀୟ ପ୍ରତିରକ୍ଷା ବିଭାଗ ପକ୍ଷରୁ ସମ୍ବର୍ଦ୍ଧିତ କରାଯାଇଛି ।
ଢେଙ୍କାନାଳ ରାଜପ୍ରାସାଦରେ ଭାରତୀୟ ସେନାର ବିଜୟ ମଶାଲ
୫୦ବର୍ଷ ପୁର୍ତ୍ତି ଅବସରରେ ମନେ ପଡିଛନ୍ତି ୧୯୭୧ ମସିହା ଯୋଦ୍ଧା । ଢେଙ୍କାନାଳ ରାଜପ୍ରାସାଦରେ ପହଞ୍ଚିଲା ଭାରତୀୟ ସୈନ୍ୟବାହିନୀର ମଶାଲ । ଭାରତୀୟ ସ୍ଥଳସେନାର ପୂର୍ବତନ ବ୍ରିଗେଡିୟର କେପି ସିଂହଦେଓ ଓ ଉଇଙ୍ଗ କମାଣ୍ଡର ବିଏସ ସିଂହଦେଓଙ୍କୁ ସମ୍ବର୍ଦ୍ଧନା କରାଯାଇଛି ।