ଢେଙ୍କାନାଳ: ଓଡାପଡା ବ୍ଲକର ଗାଇଲୋ ଛକ ଅଞ୍ଚଳରେ ବର୍ଷ ତମାମ ହାତୀ ଉପଦ୍ରବ ଜାରି ରହୁଛି। ଏପରିସ୍ଥଳେ ୫୫ ନମ୍ବର ଜାତୀୟ ରାଜପଥ ସମ୍ପ୍ରସାରଣ ଚାଲିଥିବାବେଳେ ହାତୀମାନଙ୍କ ପାଇଁ ଏହି ଗାଇଲୋ ଛକ ନିକଟରେ ସୁଡଙ୍ଗ ରାସ୍ତା ନିର୍ମାଣ ପାଇଁ ପ୍ରସ୍ତାବ ଦିଆଯାଇଛି । ଏହାକୁ ନେଇ ସ୍ଥାନୀୟ ଅଞ୍ଚଳର 10-15 ଗ୍ରାମର ବାସିନ୍ଦା ଆତଙ୍କିତ ହୋଇପଡିଛନ୍ତି ।
ହାତୀ ଚଲପଥ ପାଇଁ ନିର୍ମାଣ ହେବ ସୁଡଙ୍ଗ ରାସ୍ତା
ତେବେ ଏଠାରେ ବିଶେଷ କରି ବସ ଷ୍ଟାଣ୍ଡ, ରେଳ ଷ୍ଟେସନ, ସାପ୍ତାହିକ ହାଟ, ସ୍କୁଲ ରହିଛି । ଏହାସହ ଗାଇଲୋ ଛକ ଉପରେ ଆଖ ପାଖ ଗ୍ରାମର ଦୈନନ୍ଦିନ ଶହ ଶହ ଲୋକ ଯିବା ଆସିବା କରୁଛନ୍ତି, ଫଳରେ ସୁଡଙ୍ଗ ରାସ୍ତା ନିର୍ମାଣ ଦ୍ବାରା ହାତୀ ଉପଦ୍ରବ ବୃଦ୍ଧି ପାଇବ । ଏହାକୁ ସ୍ଥାନାନ୍ତରିତ କରିବା ପାଇଁ ଗ୍ରାମବାସୀ ଜିଲ୍ଲା ବନଖଣ୍ଡ ଅଧିକାରୀ ଓ ଜିଲ୍ଲାପାଳଙ୍କୁ ଗୁହାରି କରିଛନ୍ତି ।