ଢେଙ୍କାନାଳ: କାମାକ୍ଷାନଗର NAC ଅନ୍ତର୍ଗତ ଗୋଡିସାହି ଓ କଲୋନି ସାହି ଗୋଷ୍ଠୀ ସଙ୍ଘର୍ଷ ଘଟଣାରେ ହତ୍ୟାକାରୀକୁ ଗିରଫ ଓ କ୍ଷତି ପୂରଣ ଦାବିରେ କାମାକ୍ଷାନଗରର ଉତ୍ତେଜନା ପ୍ରକାଶ ପାଇଛି । 53 ନଂ ଜାତୀୟ ରାଜପଥ ଉପରେ ମୃତଦେହ ରଖିବା ସହ ଟାୟାର ଜାଳି ଅବରୋଧ କଲେ ଗ୍ରାମବାସୀ ।
ଗୋଷ୍ଠୀ ସଂଘର୍ଷରେ ଗୁରୁତର ଭାବେ କଟକ SCB ମେଡିକାଲ ସ୍ଥାନାନ୍ତର ପରେ ଚିକିତ୍ସାଧୀନ ଅବସ୍ଥାରେ କଲୋନୀ ସାହିର ତୋଫାନ ପାତ୍ରଙ୍କ ମୃତ୍ୟୁ ହୋଇଥିଲା । ମୃତଦେହ ଆସି କାମାକ୍ଷାନଗରରେ ପହଞ୍ଚିବା ପରେ ହତ୍ୟାକାରୀଙ୍କୁ ଗିରଫ ଦାବିରେ ୫୩ ନଂ ଜାତୀୟ ରାଜପଥ ହନୁମାନ ଛକଠାରେ ଟାୟାର ଜାଳି ରାସ୍ତା ଅବରୋଧ କରିଥିଲେ ସ୍ଥାନୀୟ ବାସିନ୍ଦା । ଘଟଣାସ୍ଥଳରେ ଉପଜିଲ୍ଲାପାଳ,ଅତିରିକ୍ତ ଏସପି, ତହସିଲଦାର,ଏସଡିପିଓ, ଆଇଆଇସି ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ । 2 ଦିନ ଭିତରେ ହତ୍ୟାକାରୀକୁ ଧରିବାର ପ୍ରତିଶୃତି ଦେଇଥିଲା ପ୍ରଶାସନ । ପ୍ରାୟ ୩ ଘଣ୍ଟାର ଅଚଳାବସ୍ଥା ପରେ ରାସ୍ତାରୋକ ହଟିଥିଲା।
ଢେଙ୍କାନାଳରୁ ଉର୍ମଳା ପାତ୍ର, ଇଚିଭି ଭାରତ