ଢେଙ୍କାନାଳ: କଥାରେ ଅଛି ଶାଶୂ ହେଉଛି ଦ୍ବିତୀୟ ମାଆ । ହେଲେ ଯେଉଁ ହାତ ଶାଶୂର ସେବା କରିବା କଥା, ସେହି ହାତରେ ବୋହୂ ଶାଶୂକୁ ମାଡ ମାରି ଲହୁଲୁହାଣ କରିବା ପରି ଅଭାବନୀୟ ଘଟଣା ଏବେ ସାମ୍ନାକୁ ଆସିଛି ।
ଏ କି ଯୁଗ! ଶାଶୁକୁ ପିଟିପିଟି ରକ୍ତାକ୍ତ କଲା ବୋହୁ
ଢେଙ୍କାନାଳ ଭୁବନ ଥାନା ଅନ୍ତର୍ଗତ ଭୁବନ ବିଜ୍ଞାପିତ ଅଞ୍ଚଳ ପରିଷଦ ଓ୍ବାର୍ଡ ନଂ- ୩ରେ ରହୁଥିବା ଗୋକୁଳ ତରାଇଙ୍କ ସ୍ତ୍ରୀ ଝୁଣ୍ଟିଆ ତରାଇ ବୋହୂ ମାଡରେ ରକ୍ତାକ୍ତ ହୋଇଛନ୍ତି ।
ଶୁକ୍ରବାର ବଡି ଭୋର ସମୟରେ ଶାଶୂ ଝୁଣ୍ଟିଆ ଘର ଅଗଣାରେ ପରିସ୍ରା କରିବାକୁ ନେଇ ନାତୁଣୀଙ୍କ ସହିତ ବଚସା ହୋଇଥିଲା । ସେହି ସମୟରେ ଶୌଚ ସାରି ଘରକୁ ଫେରୁଥିବା ସାନ ବୋହୁ ଜାନକୀ ତରାଇ ହାତରେ ଧରିଥିବା ଢାଳରେ ଶାଶୁକୁ ମାଡ ମାରିଥିଲା । ଏଥିରେ ଶାଶୂଙ୍କ ଡାହାଣ ଆଖି ପତା ଫାଟିଯାଇ ରକ୍ତାକ୍ତ ହୋଇଯାଇଥିବା ଜଣାପଡିଛି ।