ଢେଙ୍କାନାଳରେ ଜଣଙ୍କୁ ଦଳିଦେଲା ଦନ୍ତା

ଢେଙ୍କାନାଳ ସଦରଥାନା ଅନ୍ତର୍ଗତ ପଶାସିଂହ ଅଞ୍ଚଳରେ ଦନ୍ତାହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି ।

ଢେଙ୍କାନାଳ: ପୁଣି ଢେଙ୍କାନାଳରେ ହାତୀ ଉପଦ୍ରବ । ଢେଙ୍କାନାଳ ସଦରଥାନା ଅନ୍ତର୍ଗତ ପଶାସିଂହ ଅଞ୍ଚଳରେ ଦନ୍ତାହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି ।

ସୂଚନା ଅନୁଯାୟୀ, ଗତ କିଛି ଦିନ ଧରି ଏହି ବ୍ୟକ୍ତି ଜଣକ ସେହି ଗାଁରେ ବୁଲୁଥିଲେ। ଏହି ଅଞ୍ଚଳରେ ବାରମ୍ବାର ଦନ୍ତାହାତୀ ଆକ୍ରମଣ ଦେଖାଯାଉଥିବା ବେଳେ ସୋମବାର ଏହି ବ୍ୟକ୍ତିଙ୍କ ଦନ୍ତାହାତୀ ଆକ୍ରମଣରେ ମୃତ୍ୟୁ ଘଟିଥିବା ଜଣାପଡିଛି ।

ଖବର ଘଟଣାସ୍ଥଳରେ ସଦର ବନ କର୍ମଚାରୀ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛନ୍ତି। ଏପଟେ ମୃତକଙ୍କ ପରିଚୟ ମିଳିପାରିନାହିଁ। ମୃତକ ଜଣଙ୍କ ଜଣେ ମାନସିକ ବିକାରଗ୍ରସ୍ତ ବୋଲି ସୂଚନା ମିଳିଛି।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ