4କେଜି ବାରହା ମାଂସ ଜବତ, ଶିକାରୀ ଗିରଫ

ବାରହା ଶିକାର କରି ଖୁଲମ ଖୋଲା ବିକ୍ରୟ କରୁଥିଲା ମାଂସ । 4 କେଜି ବାରହା ମାଂସ ଜବତ କରିବା ସହ ଶିକାରୀକୁ ଗିରଫ କରିଛି ବନବିଭାଗ ।

ଢେଙ୍କାନାଳ: ଗଁନ୍ଦିଆ ନୂଆଗଡ଼ରୁ ବାରହା ଶିକାରୀ ଗିରଫ । 4 କେଜି କଟା ବାରହା ମାଂସ ସହ ଶିକାରୀକୁ ଗିରଫ କରିଛି ବନବିଭାଗ । ମାଂସକୁ ବିକ୍ରି କରୁଥିବାବେଳେ ଖବର ପାଇ ଚଢାଉ କରିଥିଲା ବନବିଭାଗର ଏକ ଟିମ୍ ।

ଗିରଫ ବାରହା ଶିକାରୀ ନୂଆଗଡ ରଙ୍ଗମାଟିଆ ଗ୍ରାମର ସମ୍ବର ମୁଣ୍ଡା ବୋଲି ଜଣାପଡିଛି । ଏକ ପାତ୍ରରେ 4 କେଜି ବାରହା ମାଂସ ରଖି ବିକ୍ରି କରୁଥିଲା ସମ୍ବର । ଏହି ସମୟରେ ଚଢାଉ କରିଥିଲା ଷଢଙ୍ଗୀ ବନାଞ୍ଚଳ କର୍ମଚାରୀ । ଉକ୍ତ ବ୍ୟକ୍ତିକୁ ଗିରଫ କରିବା ସହ ମାଂସକୁ ଜବତ କରିଛି ଟିମ୍ ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ