ଢେଙ୍କାନାଳ:ବଢୁଛି ପିଲାଙ୍କ ଠାରେ ସଂକ୍ରମଣ । ଆଜି ପୁଣିଥରେ ଢେଙ୍କାନାଳ ଜିଲ୍ଲାର ଆଉ ଏକ ସ୍କୁଲରୁ ଛାତ୍ରଛାତ୍ରୀ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । କାମାକ୍ଷାନଗର ବ୍ଲକ ଅନ୍ତର୍ଗତ ରାୟ ନରସିଂହପୁର ଗ୍ରାମର ସିଦ୍ଧେଶ୍ବରୀ ସରକାରୀ ଉଚ୍ଚ ବିଦ୍ୟାଳୟରୁ 5 ଜଣ ଛାତ୍ରଛାତ୍ରୀ ଓ ଜଣେ ଶିକ୍ଷୟିତ୍ରୀ କୋରୋନା ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ଏନେଇ ସୂଚନା ମିଳିପାରିବା ପରେ ଉକ୍ତ ବିଦ୍ୟାଳୟକୁ ବନ୍ଦ କରିଦେଇଛନ୍ତି ସ୍କୁଲ କର୍ତ୍ତୃପକ୍ଷ ।
ଢେଙ୍କାନାଳରେ ପୁଣି 5 ଛାତ୍ରଛାତ୍ରୀ କୋରୋନା ପଜିଟିଭ ଚିହ୍ନଟ
ସୂଚନାଯୋଗ୍ୟ, ଗତ 6 ତାରିଖ ଅର୍ଥାତ୍ ସୋମବାର ଦିନ ସ୍ବାସ୍ଥ୍ୟ ବିଭାଗ ପକ୍ଷରୁ ସ୍କୁଲରେ ମୋଟ 80 ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀଙ୍କ ନମୁନା ସଂଗ୍ରହ କରାଯାଇଥିଲା । ଆଜି ଏହାର ରିପୋର୍ଟ ଆସିଛି । ମୋଟ 5 ଜଣ ଛାତ୍ରଛାତ୍ରୀଙ୍କ ରିପୋର୍ଟ ପଜିଟିଭ ଆସିଥିବାବେଳେ ଜଣେ ଶିକ୍ଷୟିତ୍ରୀ ମଧ୍ୟରେ ସଂକ୍ରମିତ ହୋଇଛନ୍ତି ।