ଢେଙ୍କାନାଳ: ପୋଲିସ ଓ ପ୍ରଶାସନ ନ ଶୁଣିବାରୁ ଢେଙ୍କାନାଳ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆତ୍ମାହୁତି ଦେବାକୁ ଉଦ୍ୟମ କରୁଥିଲେ ୭୦ବର୍ଷର ବୃଦ୍ଧ ବାପା ଏବଂ ତାଙ୍କ ଝିଅ।
ଜିଲ୍ଲାପାଳଙ୍କ ଅଫିସ ସମ୍ମୁଖରେ ବାପ ଝିଅଙ୍କ ଆତ୍ମାହୁତି ଉଦ୍ୟମ
ସୂଚନାନୁସାରେ, ବୃଦ୍ଧଙ୍କ ପଡୋଶୀ ତାଙ୍କ ଜମି ସାଙ୍ଗକୁ ଘରଡିହ ହଡପ କରିନେବା ପରେ ସ୍ଥାନୀୟ ପୋଲିସ ଓ ତହସିଲ ଦାରଙ୍କ ପାଖରେ ସେ ଆପତ୍ତି ଅଭିଯୋଗ କରିଥିଲେ । ମାତ୍ର ସୁଫଳ ବଦଳରେ ପାଲଟା ଜମି ହଡପକାରୀଙ୍କ ପକ୍ଷରୁ ମାଡ଼ ଖାଇଲେ । ପୋଲିସ , ତହସିଲଦାର ଓ ଜିଲ୍ଲାପ୍ରଶାସନ ପାଖକୁ ଦୌଡ଼ି ଦୌଡ଼ି ଶେଷରେ ହତାସ ହୋଇଗଲେ । କେହି ବି ଶୁଣିଲେନି ସେମାନଙ୍କ କଥା । ଶେଷରେ ନିର୍ଯ୍ୟାତନା ସହି ନପାରି ଜୀବନ ହରିବାକୁ ନିଷ୍ପତ୍ତି ନେଇଥିଲେ ବୃଦ୍ଧ ବାପା ଓ ତାଙ୍କ ଝିଅ । କିନ୍ତୁ ସୌଭାଗ୍ୟ ବଶତଃ ଉଭୟଙ୍କୁ ସୁରକ୍ଷିତ ଅବସ୍ଥାରେ ଉଦ୍ଧାର କଲା ଟାଉନ ପୋଲିସ ।