ଢେଙ୍କାନାଳ :ଦୀର୍ଘ ମାସ ପରେ ଆଜିଠାରୁ ରାଜ୍ୟରେ ବସ ଚଳାଚଳ ଉପରେ ଜାରି କଟକଣା କୋହଳ କିରଛନ୍ତି ରାଜ୍ୟ ସରକାର । ବସ ଷ୍ଟାଣ୍ଡକୁ ଯାତ୍ରୀମାନଙ୍କର ଆଗମନ ଘଟିଛି । ତେବେ ବସ ଚଳାଚଳରେ ସମୟ ନିର୍ଘଣ୍ଟ ସାଙ୍ଗକୁ କମ ସଂଖ୍ୟକ ଯାତ୍ରୀ ବସ ମାଲିକମାନଙ୍କ ପାଇଁ ସମସ୍ୟା ସୃଷ୍ଟି କରିଛି । ଉପଯୁକ୍ତ ସଂଖ୍ୟକ ଯାତ୍ରା ନଆସିବା ଯାଏ ଘଣ୍ଟା ଘଣ୍ଟା ଅଟକି ରହୁଛି ବସ। ଫଳରେ ଯାତ୍ରୀମାମନେ ମଧ୍ୟ ବସଷ୍ଟାଣ୍ଡରେ ଘଣ୍ଟା ଘଣ୍ଟା ଛିଡା ହୋଇ ହନ୍ତସନ୍ତ ହେଉଛନ୍ତି । ଏପରି ଅବ୍ୟବସ୍ଥା ଦେଖିବାକୁ ମିଳିଛି ଢେଙ୍କାନାଳ ସହରରେ ମୁଖ୍ୟ ବସଷ୍ଟାଣ୍ଡରେ ।
ଗୋଟିଏ ପଟରେ ପେଟ୍ରୋଲ, ଡିଜେଲ ଦର ବୃଦ୍ଧି ଏପଟେ ବସରେ ସମସ୍ତ ଯାତ୍ରୀ ମାସ୍କ , ସିଟିଂ ମୁତାବକ ଯାତ୍ରୀ ପରିବନ କଟକଣା । କହିବାକୁ ଗଲେ କୋଭିଡ ସଂକ୍ରମଣ ଭୟ ଲୋକଙ୍କ ମନରୁ ଛାଡୁ ନଥିବାରୁ କାଁ ଭାଁ ଯାତ୍ରୀ ଆସୁଛନ୍ତି । ଫଳରେ ସମୟ ନିର୍ଘଣ୍ଟ ମଧ୍ୟରେ ବସରେ ଯାତ୍ରୀ ହେଉ ନସଥିବାରୁ ବସ ଷ୍ଟାଣ୍ଡରେ ବସ ଗୁଡିକ ଘଣ୍ଟା ଘଣ୍ଟା ଧରି ଯାତ୍ରୀମାନଙ୍କ ଅପେକ୍ଷାରେ ଛିଡା ହୋଇ ରହୁଥିବା ଦେଖିବାକୁ ମିଳୁଛି । ଗୋଟିଏ ପଟେ କଟକ, ଅନୁଗୁଳ ଆଦି ଅଞ୍ଚଳରୁ ଯାତ୍ରୀମାନେ ଆସିବାପରେ ଢେଙ୍କାନାଳରୁ କାମାକ୍ଷାନଗର, ଗଁନ୍ଦିଆ, ଜୋରନ୍ଦା ଓ ଭାପୁର ଅଞ୍ଚଳକୁ ଯିବାକୁ ଥିବା ଯାତ୍ରୀମାନେ ବସ ଷ୍ଟାଣ୍ଡରେ ଅପେକ୍ଷା କରୁଛନ୍ତି । ଉପଯୁକ୍ତ ସଂଖ୍ୟକ ଯାତ୍ରୀ ନହେବା ଯାଏ ବସ ଯାତ୍ରା ଆରମ୍ଭ କରୁନଥିବାରୁ ଯାତ୍ରୀ ମାନଙ୍କୁ ଘଣ୍ଟା ଘଣ୍ଟା ଧରି ଅପେକ୍ଷା କରିବାକୁ ପଡୁଥିବାରୁ ଅସନ୍ତୋଷ ପ୍ରକାଶ କରିଛନ୍ତି ଯାତ୍ରୀ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ