ଢେଙ୍କାନାଳ: କୋରୋନା ନେଇ ବାହାଘର ବ୍ରତଘର ଆଦି ସାମାଜିକ ଉତ୍ସବ ଉପରେ କଟକଣା ରହିଛି । ସେପଟେ ଢେଙ୍କାନାଳ ଜିଲ୍ଲାରେ ଏକ ବିବାହରେ ବରଯାତ୍ରୀଙ୍କ ଉନ୍ମତ୍ତ କାଣ୍ଡ ସାମନାକୁ ଆସିଛି । ହୋଟେଲ ଭିତରେ ମଦ ପିଇବାକୁ ମନା କରିବାରୁ ହୋଟେଲରେ ନିଆଁ ଲଗାଇବା ସହ ହୋଟେଲ ମାଲିକଙ୍କୁ ନିର୍ଧୁମ ମାଡ ମାରିଛନ୍ତି ବରଯାତ୍ରୀ ଦଳ ।
ଅମାନିଆ ବରଯାତ୍ରୀ, ମଦ ପିଇବାକୁ ବାରଣ କରିବାରୁ ହୋଟେଲରେ ଲଗାଇଲେ ନିଆଁ
ସୂଚନାନୁଯାୟୀ, ବୁଧବାର ରାତ୍ରିରେ ରାସୋଳ ଥାନା ଅନ୍ତର୍ଗତ କୁନୂଆ ଗ୍ରାମରୁ କଦଳିପାଳ ଗ୍ରାମକୁ ବରଯାତ୍ରୀ ଆସିଥିଲେ । ହୋଟେଲରେ ମଦ ପିଇବା ପାଇଁ ଜିଦ କରିବାରୁ ବାରଣ କରିଥିଲେ ହୋଟେଲ ମାଲିକ ବଟକୃଷ୍ଣ। ଫଳରେ ଉତ୍ତେଜିତ ବରଯାତ୍ରୀ ତାଙ୍କୁ ମାରପିଟ କରିଥିବା ବେଳେ ଭୋର ସମୟରେ ଫେରିବା ବେଳେ ନିଆଁ ଲଗାଇ ପଳାଇଥିବା ଜଣାପଡିଛି ।