ଢେଙ୍କାନାଳ: ଭୀମ ଭୋଇଙ୍କ ଉପରେ ବିବାଦୀୟ ଲେଖାକୁ ନେଇ ଢେଙ୍କାନାଳ ଜିଲ୍ଲା ମହିମାଗାଦିରେ ମହିମା ପ୍ରେମୀଙ୍କ ମହଲରେ ତୀବ୍ର ଆଲୋଡନ । ଲେଖକ କେଦାର ମିଶ୍ରଙ୍କ ପୁସ୍ତକରେ ଭୀମଭୋଇଙ୍କ ବିରୁଦ୍ଧରେ ବିବାଦୀୟ ଲେଖାକୁ ନେଇ ମହିମା ପ୍ରେମୀଙ୍କ ଶ୍ରଦ୍ଧାଳୁଙ୍କ ଭାବାବେଗକୁ ତୀବ୍ର ଆଘାତ କରିଛି ।
ଲେଖକ କେଦାର ମିଶ୍ରଙ୍କ କୁଶପୁତଳିକା ଦାହ
ଏନେଇ ଢେଙ୍କାନାଳ ଜିଲ୍ଲାର ମହିମା ପ୍ରେମୀ ମାନଙ୍କ ମହଲରେ ତୀବ୍ର ପ୍ରତିକ୍ରୀୟା ପ୍ରକାଶ ପାଇଛି । ଏପରିକି ମହିମା ଧର୍ମର ମୁଖ୍ୟ ପୀଠ ଢେଙ୍କାନାଳର ଯୋରନ୍ଦାସ୍ଥିତ ମହିମାଗାଦିରେ ବେଶ ଆଲୋଡନ ସୃଷ୍ଟି କରିଛି । ଏହାର ପ୍ରତିବାଦରେ ଏପରି ବିବାଦୀୟ ଲେଖା ଲେଖିଥିବା ଲେଖକ କେଦାର ମିଶ୍ରଙ୍କ ଲିଖିତ ପୁସ୍ତକକୁ ରଦ୍ଦ କରିବା ସହ ତାଙ୍କର ଗିରଫ ଦାବି କରିଛନ୍ତି । ମହିମାଗାଦି ଠାରେ ତାଙ୍କର କୁଶପୁତ୍ତଳିକା ଦାହ କରିଥିବା ଦେଖାଯାଇଛି ।